POP 5

Lajmet më të lexuara të 5 minutave të fundit

Editorial

Carlo Bollino: Nuk ka më ku të shkojë! Sali Berisha, një i burgosur pa pranga

Pas ndalimit për të shkuar në SHBA dhe në Britaninë e madhe, tani ish-kryeministri nuk mund të dalë as nga Shqipëria. Madje, i është ndaluar edhe salla e Kuvendit.

Carlo Bollino: Nuk ka më ku të shkojë! Sali Berisha, një i burgosur pa pranga

Pas tre vitesh hetime, SPAK hap kapakun e skandalit mbi privatizimin e ish-klubit Partizani. Të parët që po shkojnë në burg janë përfituesit kryesorë të skandalit, Jamarbër Malltezi, i cili përdori pushtetet e vjehrrit, në atë kohë kryeministër, për të garantuar procedurat e privatizimit të një strukture sportive që nuk mund të privatizohej, gjithashtu dhe Fatmir Bektashi, biznesmen që ndërtoi 19 kullat mbi ato toka. Një ndërtim gjigand prej miliona eurosh, ku Jamarbër Malltezi është pronar 50% edhe pse në bankë atëherë kishte vetëm rreth 30 mijë dollarë. Prej kësaj lind akuza për pastrim parash nga ana e SPAK: Pra për të ndërtuar ato kulla akuzohet se ka përdorur para’ të pista, me të ngjarë frut i korrupsionit të familjes. Skandali ka përfshirë edhe ministra, oficerë të lartë të ushtrisë dhe zyrtarë të tjerë të asaj kohe.

Bashkë me Jamarbër Malltezin dhe Fatmir Bektashin SPAK nuk ka kursyer tani per tani as Sali Berishën: duke mos mundur ta arrestojë (pasi është deputet dhe ndoshta duke marrë në konsideratë edhe moshën e tij) ndaj tij është firmosur detyrim paraqitje në polici dhe ndalim për t’u larguar nga Shqipëria. Pas 32 vitesh abuzimesh të pandëshkuara, kjo është hera e dytë (pas dënimit që mori për shpifje ndaj meje), që një gjykatës guxon ta prekë.

Në këtë moment Sali Berisha nuk mund të shkojë në Shtetet e Bashkuara pasi është shpallur person “non grata” për korrupsion të rëndë. Nuk mund të shkojë në Angli pasi është deklaruar person “non grata” për lidhje me krimin e organizuar. Nuk mund të largohet as nga Shqipëria pasi po hetohet për skandalin e klubit Partizani. Dhe, kulmi i ironisë, për 10 ditët e ardhshme nuk mund të hyjë as në Kuvend pasi është pezulluar për shkak të protestës qesharake të dy ditëve më parë, kur inskenuan një marrje pushteti me rrëmbimin e karrikeve dhe të kartave të deputetëve socialistë si të ishte një puç komedianësh. Pra, Sali Berisha është tani si një i burgosur pa pranga, i cili, për shkak të fajeve të tij nuk ka më ku të shkojë. Madje edhe prezenca në selinë e Partisë Demokratike është e paligjshme, pasi ai e ka pushtuar atë pa pasur asnjë legjitimitet.  

Tamam nga kjo seli akuzoi SPAK-un se arrestoi dhëndrrin Jamarbër Malltezi si një akt politik: “Kur bëhen arrestime politike, atëherë ka diktaturë” deklaroi ai. Më shumë se sa një vetëmbrojtje, duket një pranim faji mbi historinë e vet meqë faktikisht ka qenë ai që inauguroi “stinën” e arrestimeve të vërteta politike, kur futi në burg liderin e atëhershëm të opozitës, Fatos Nanon.

I vetmi vend ku sot Sali Berisha është i lirë të qëndrojë, është shtëpia e tij, ku do të bënte mirë të mbyllej. Pak nga turpi e pak për të shijuar vitet e fundit të një pensioni të pamerituar.

a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • PASURIMI NGA KRIMI: 22/10/2023 21:25

    Paraja e rrotullon botën në këtë drejtim punoi fukarai Berisha së pari lejoi krimin ekonomik që të pasuronte grupe dhe individ sidomos nga veriu i Shqipërisë lejoi zbarkimin e narko trafikantëve nga Kosova dhe Maqedonia që të lidhen me njerëz të rrethit të tijë ku u krijua perandoria miliarda dollarëshe e.drogës që zor se da ta mund SPAK-u

    Përgjigju
  • Drini: 22/10/2023 20:28

    Carlo Bolino sikurse edhe Mero Baze etj keni nje merite madhe per kete ngjarje te jashtezakonshme qe mezi po e prisnin me qindra mijera shqiptare. Ju jeni luftetare direkt ne lufte me non-graten ndersa ne te tjeret ee kemi luftuar me vote non-graten.Le te presim tu merren gjithe parate e vjedhura nga populli dhe te futen ne burg hajdutet me te medhenje te historise.

    Përgjigju
    • alfred: 22/10/2023 21:42

      E saktë.

  • Cufe: 22/10/2023 09:48

    Respekte Carlo Bolino

    Përgjigju
  • Ethem Lalaj-MallaKASTRIOTI: 22/10/2023 08:54

    OK: -Fillim i mirë i punës së SPAK për goditjen në shënjë-Djathtas më në fund..! -Duhet ti hiqet imuniteti dhe arrestimi S.Berishës menjëherë pasi nuk dëgjohen shpifjet e tij si në 33 vite..duke përdhosur akoma drejtësinë.. -SPAK,Policia të mbikqyr shumë persona të implikuar në këtë e afera të tjera madhore se mos IKIN: ZENI,MEDIU,BUMÇI,IMAMI,ALIBEU,Ministrat e Mbrojtjes TË SALIUT..!

    Përgjigju
  • Cubi: 22/10/2023 08:45

    Ah mor karlo kemi 30 e ca vjet qe degjojm pordhet e tij si i ka dashur qejfi,do zoti do ti mbyllet haleja e sja degjojm me zerin se na jan ber veshet me plage. Me ne fund. Ishalla s'eshte fllusk sapuni si shum te tjera. A thua se me ne fund pas 30 e ca vjetesh shqiperia u clirua me gjith mend??????????? Shpresojm.

    Përgjigju
  • Kasem Gahinji: 22/10/2023 08:36

    Ne fakt ,ajo qe ndodhi ne kuvend,per shkak se ishte e paravendosur dhe miremenduar,se u paralajmerua dhe u realizuar,eshte simulim i nje grushtin shteti.Parlamenti Ra,"naziskinet" Mirren drejtimin,madje u paralajmerua djegia e salles se "reichstagut".Kjo ngjarje e rende,paralajmerim per nje" Shtator 1998" te dyte ,duhet hetuar.Eshte simulim i nje grushtin shteti

    Përgjigju
  • Pjeter: 22/10/2023 08:27

    Kete veprim duhet te kish bere SPAK edhe me LLallen edhe me Ahmetajn, tani duhen energji risurse njerezore e financiare te tjera per te arritur ekstradimin e tyre ne Shqiperi, dhe nuk eshte e sigurte qe mund te arrihet!! Gjithesesi, te pakten,po fillon te biere era shtet!!

    Përgjigju
  • asolingo: 22/10/2023 06:57

    Me mire vone se kurre,sekuestrim i kullave dhe futja ne burg.

    Përgjigju
  • Miri: 21/10/2023 23:35

    Ku heq dore ai o Carlo. Ai eshte si puna e gjarperit, sa me shume ta ngacmosh, aq me i eger behet. Aty do e kesh deri ne vdekje.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46