POP 5

Lajmet më të lexuara të 5 minutave të fundit

Politikë

Çudia e shifrave zyrtare, Shqipëria
ka më shumë votues sesa banorë

Shqipëria përballet me një problem sa herë afrohen zgjedhjet e përgjithshme parlamentare apo vendore. Listat zgjedhore, të cilat bëhen objekt kontestimi në fillim, gjatë, por edhe pas zgjedhjeve. Këtë herë, ky handikap ka marrë edhe një përmasë më shumë zyrtare pas procesit të censusit të popullsisë, i cili u krye vjeshtën e vitit të kaluar.
TIRANE- Shqipëria përballet me një problem sa herë afrohen zgjedhjet e përgjithshme parlamentare apo vendore. Listat zgjedhore, të cilat bëhen objekt kontestimi në fillim, gjatë, por edhe pas zgjedhjeve. Këtë herë, ky handikap ka marrë edhe një përmasë më shumë zyrtare pas procesit të censusit të popullsisë, i cili u krye vjeshtën e vitit të kaluar.

Sipas rezultateve të censusit, Shqipëria ka gjithsej në rang Republike, 2,831,741 banorë. Natyrisht rezidentë. Ndërkaq, në listat e zgjedhësve të votimeve për pushtetin vendor më 8 maj të vitit 2011 janë të regjistruar gjithsej, 3 milionë e 166 mijë e 279 votues. Natyrisht, në censusin e përgjithshëm të popullsisë janë numëruar vetëm banorët rezidentë në Shqipëri. Por gjithsesi, diferenca mbetet e madhe. Ndërkaq, sipas rezultateve zyrtare në votime kanë hedhur fletën në kuti, rreth 1 milion e 600 mijë votues.

Diferenca e votuesve të regjistruar me numrin e përgjithshëm të popullsisë së regjistruar nga INSTAT është 334538 banorë. Ndërsa diferenca e numrit të përgjithshëm të votuesve të regjistruar me numrin e banorëve që kanë hedhur votën është edhe më dramatik. I bie që gjysma e popullsisë së Shqipërisë nuk arrijnë dot të kryejnë detyrimin themelor kushtetues, atë të zgjedhjes dhe të zgjedhurit. Dhe si rrjedhim organet që dalin nga zgjedhjet e përgjithshme të jenë me legjitimitet të cunguar(edhe pse formalisht është në përputhje me ligjin). Ish-kryeministri Pandeli Majko, në një shkrim të botuar disa ditë më parë theksonte se “Shqipëria dhe politika ua ka “borxh” të drejtën e votës emigrantëve atje ku ata jetojnë. Pse po vonon kjo e drejtë?! – mund të pyesë dikush. Përgjigjja e thjeshtë është se emigrantët janë votues të frikshëm. Ata nuk blihen dhe shiten, për një vend pune në administratë. Standardi i tyre i të kuptuarit të politikës nuk është naiv. Votat e emigrantëve do të jenë një thuajse “revolucion” për mentalitetin politik shqiptar. Vota e emigrantëve, pa asnjë metaforë optimiste, do të ishte “hapja” e dytë e Shqipërisë pas viteve ‘90-të”.

MONITORIMI
Në Kodin e ri Zgjedhor është parashikuar që të rishikohet dhe mbikëqyret në mënyrë të posaçme lista e zgjedhësve. Në mendimet e bëra i jepet një rol thelbësor bashkive dhe komunave, pra zyrave të gjendjes civile për hartimin dhe kontrollin e listës së votuesve të zonës. Ndërkaq, një përfaqësues i opozitës do të jetë rezident në Drejtorinë e Përgjithshme të Gjendjes Civile për të monitoruar të gjithë procesin e hartimit të listave të zgjedhësve. Siç mësohet që pas shpalljes së datës së zgjedhjeve nga ana e Presidentit të Republikës, që sipas gjasave do të bëhet në shtator, atëherë të gjitha krerët e njësive vendore që i përkasin opozitës do të hartojnë raporte periodike të hartimit të listave të zgjedhësve dhe ndryshimit të tyre. Ndërkaq, do të caktohet përfaqësuesi në Ministrinë e Brendshme, i cili do të jetë online me selinë rozë për të transmetuar të gjitha të dhënat. Mësohet gjithashtu se në selinë rozë është ngritur një “shtab statistikash” që zëvendëson zyrën e drejtuar dikur nga Kastriot Islami, i cili do të krijojë një bazë të re të të dhënave. Në fakt, kjo zyrë është krijuar dhe siç mësohet është hartuar një “skenar në letër” bazuar në rezultatet e zgjedhjeve parlamentare të 2009-s dhe vendoreve të 2011-s, sipas të cilave PS ka hartuar panoramën teorike të asaj që e quan fitore të zgjedhjeve të 2013-s. Megjithatë, e gjithë kjo bazë të dhënash do të rinovohet sapo të shpallen listat e plota me ndryshimet përkatëse që pritet të bëhen edhe në të ardhmen, kur deri në ditën e zgjedhjeve do të pasurohen edhe me votuesit e rinj, që pritet të mbushin moshën 18 vjeç.
Shkrimi u botua ne gazeten "Shqip"
(sg/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

28 Janar, 22:00 nga Danjela Maloku