Çelet edicioni i 20 i "Odës Dibrane"
takimi tradicional i trevave shqiptare 

PESHKOPI - Ka startuar edicioni i 20 i "Odës Dibrane" në qytetin e Peshkopisë. Në këtë edicion ka pjesëmarrje të artistëve të trevave shqiptare të ardhura nga Kosova, Maqedonia dhe Shqipëria. 

"Oda Dibane" është një eveniment kulturor shumë i rëndësishëm pas Festivalit Kombëtar të Gjirokastrës. Artistët sjellin jo vetëm larminë e kostumeve të tyre shumëngjyrëshe, por edhe këngë e valle burimore të trevave të tyre.



Gjithçka vjen në skenë me fanatizëm e përkushtim për atë që është tradicionale në aspektin kulturor e më gjerë, harmoninë e zërave të magjishëm si dhe valleve epike-lirike e lojërave humoristike.  



Festivali Oda Dibrane ka nisur jetën e tij që në vitin 1994 në Peshkopi dhe është kthyer tashmë në një takim – tradite ku pasqyrohet në një gjini krejt të veçantë, në atë të këngës dhe valles humoristike, ritit dhe alegorisë.



Ky festival ka për qëllim të bashkojë artistë shqiptar ngado që ndodhen pavarësisht nga kufijtë me idenë që “Oda Dibrane” do të jetë mikpritëse e “ Odës Shqiptare”. Ky është një takim origjinal në llojin e vet i cili synon të rizgjojë vlerat e papërsëritshme të kulturës sonë në kuadrin edhe të turizmit kulturor.



Redaksia Online
(e.c/shqiptarja.com)