Çelja e negociatave, Kryemadhi: Fillimi i një kapitulli të ri, ata që janë në pushtet nuk e duan integrimin e Shqipërisë, do bëjnë çmos për ta penguar

Kryetarja e LSI, Monika Kryemadhi ka deklaruar për çeljen e negociatave të Shqipërisë me BE. Kryemadhi shkruan se ky hap është vetëm fillimi i një kapitulli të ri, ndërsa ka shtuar se ata që janë në pushtet nuk e duan integrimin dhe do bëjnë çdp gjë për ta penguar rrugën e Shqipërisë drejt BE-së.

“Mirënjohje ndaj çdo vendi të Bashkimit Europian, për këtë ditë të sotme të çeljes zyrtare të negociatave, që i hap rrugën procesit më të rëndësishëm për integrimin e Shqipërisë me të drejta të plota në familjen europiane. Ky është vetëm fillimi i një kapitulli të ri, ndërsa detyrat për ta çuar përpara këtë rrugë, e ngarkojnë çdo aktor politik e shoqëror në vend, me përgjegjësi të reja për të realizuar transformimin rrënjësor e të gjithanshëm që Shqipëria europiane ka nevojë!

Njerëzit në karrige nuk e duan dhe do të bëjnë çmos për ta dështuar këtë rrugë, në favor të autokracisë së pushtetit të tyre. Qeveria shqiptare institucionalisht, duhet të çlirohet nga praktikat e deri tanishme korruptive, klienteliste, në shkelje të ligjit dhe ndrydhje të të drejtave e lirive të qytetarëve. LSI si parti parlamentare dhe forcë vendimtare në vend, do të dedikojë energjitë për të çuar përpara nismat ligjore dhe angazhimet institucionale që e realizojnë sa më parë integrimin e plotë të Shqipërisë në BE.

LEXO EDHE:
Meta jep porositë e fundit para Konventës: Të gjithë si Tedi Blushi! Ashtu bëhet opozitë

Tepër kohë është humbur me dështime për shkak të vendimeve personale të politikës së ditës. Duke vonuar integrimin në BE, kemi humbur qytetarët tanë që janë larguar në emigrim drejt jetës më të mirë në BE”, shkruan Kryemadhi.

Lajmi kryesor:

Çelja e negociatave, Meta: Ditë e shkëlqyer, në dorën tonë nëse do zgjasë 5 apo 30 vite! Berisha: Rama s'na anëtarëson dot në BE! Basha: Hap drejt realizmit të ëndrrës

SI.E./Shqiptarja.com

TAG:
• enkelejd alibeaj
• Jorida Tabaku
• PD
• Celen negociatat 19 korrik
• Ilir Meta