Çelja e negociatave/ Rektorët tryezë në Kuvend: Mos prodhoni ligje korruptive, të gjejmë zgjidhje për degët e mësuesisë! Studentët e huaj po ikin

Universitetet janë një ndër hallkat kryesore të procesit të bisedimeve për anëtarësim të Shqipërisë në BE. Si të tillë rektorët u ulën në tryezën e thirrur nga Kuvendi ku ishin të qartë në ç’ka kërkuan.

"Mos lejoni të prodhohen ligje të korruptuara se korrupsioni do të shkojë me keq. Ne ndodhemi në dilemën të përgatisim qytetarët e mirë se qytetari individ do të vdesë. Ka ardhur koha të rishikohet ligji", tha Gjergj Sinani rektori i ‘Beder’.

Për drejtuesit e universiteteve shumë burokraci ligjore po pengojnë zhivillimin e arsimit, ndër to procesin e ngadaltë të akreditimit të tyre dhe përthithjen e studentëve të huaj që janë gjithnjë e më pak.

"Procesi i ndërkombëtarizimit, duhet ndërthurje e veprimtarisë arsimore brenda e jashtë vendi, burokracitë të caktuara na pengojnë. Burokraci për qëndrimin e studentëve të thueja, nevojë për një shumë parash për të garantuar qëndrimin tij, kalimin nga një zyrë tek një tjetër ai thotë më mirë po shkoj diku tjetër. Hapja e programeve të studimit në gjuhë të huaj, në një klasë ku flitet anglisht, por problemi qëndron tek procesi I akreditimit. Ecim shumë avash me akreditimin", tha Artan Hoxha Rektor i UT

"Të përmirësohen kurrikulat në harmoni me sistemin e kurrikulave të sistemit të BE. Numri i studentëve të huaj në Shqipëri është duke rënë", tha Dr. Edmond Hajrizi, Rektori I Universitet të Nju Jorkut në Tiranë.

Për Elisa Spiropalin kryetaren e Kuvendit të rinjtë duhet që të jenë më aktiv për të debatuar për çështje të ndryshme. 

"Thelbësore për të krijuar platforma bashkëpunimi mes universiteteve dhe kuvendit. Bashkëpunim për kërkimin shkencor. Të rinjtë të jenë aktivë për të debatuar për çështje kombëtare dhe ndërkombëtare me studentët dhe deputetet", tha ajo. 

Rektorët të shqetësuar kërkuan zgjidhje ligjore nga Kuvendi për mosinteresim e maturantëve për degët e mësuesisë. Sipas rektorit Artan Hoxha janë tentuar disa forma madje edhe duke u dhënë rrogë me pagë minimale studentëve, por sërish nuk ka pasur efikasitet teksa shumë degë të mësuesisë po shuhen. 

S.B/r.k./Shqiptarja.com

TAG:
• elisa spiropali
• gjergj sinani
• Artan Hoxha
• Edmond Hajrizi