Çështja ‘Butrinti’ Ina Zhupa thirrje ministrit Gonxhe: Mos firmos transferimin tek koncesionari pa u shprehur ‘Kushtetuesja’

Deputetja Ina Zhupa, përmes një deklarate nga Kuvendi i ka bërë thirrje ministrit Blendi Gonxhe që të mos e firmosë kalimin e Butrintit të koncesionare pa marrë më parë vendim Gjykatës Kushtetuese.

Zhupa thotë se një kalim i tillë sipas saj do të ishte copëzim i Butrintit dhe tjetërsim i identitetit kombëtar.

'Ju falenderoj për pjesmarrjen, jam këtu për të informuar publikun në lidhje me disa ngjarje të fundit që lidhen me koncensionin e Butrintit.

LEXO EDHE:
Debate te Konferenca/ Zhupa: Argumenti juaj s’qëndron, Kushtetuesja lejon Komisionet Hetimore! Bardhi: Në vjedhje e populizëm s’ju konkurrojmë dot

butrinti-ina-zhupa-thirrje-ministrit-gonxhe-mos-firmos-transferimin-te-koncesionari-prit-vendimin-e-gjykates-kushtetuese%2F&referer=https%3A%2F%2Fwww.balkanweb.com%2F&cb=b0c4b4deff" />Sic e dini data 14 korrik 2022 përbën edhe Datën Efektive, sipas përkufizimit në Marrëveshjen midis MK dhe FMB. Sepse eshte data që është rrëzuar dekreti i presidentit Meta dhe ka kaluar ligji. Kjo periudhë eshte quajtur si nje periudhë tranzitore. Edhe sipas ligjit data efektive e transferimit të Butrinti, sic quhet afati përfundimtar i transferimi ështe data 14 shkurt 2024. Edhe kjo do duhet të firmoset nga ministri i ri i ekonomisë, kulturës dhe inovacionit Blendi Gonxhe.

Pikerisht në lidhje me këtë afat jam njoftuar nga punonjësit e parkut kombëtar të Butrintit, që përfaqësues të AADF, koncensionarit, një është menaxheri i projekteve Ilir Parangoni, që ditën e premten ka zhvilluar një mbledhje dhe ju ka kérkuar punonjësve të japin dorëheqjen pasi që ata do e marrin për pak ditë dhe duan stafin e tyre. Ka dy muaj që punonjësve ju thuhet në rrugë informale që duhet të largohen por tashmë kanë kaluar në intimidime.

Si deputete e Sarandës dënoj me ashpërsi këto akte dhe do mbroj deri në fund punonjësit që ju bëj thirrje mos të intimidohen dhe mos të japin dorëheqjen. I njëjti menaxher i AADF, ështe ai që i dërgonte emaile një personaliteti botëror të UNESCO, si Giora Solar që mos fliste për planin e dikurshëm të paguar nga AADF por të fshehur sepse nuk parashikonte koncension.

Sot dua ti bëj thirrje nga Kuvendi i Shqipërisë, institucione që duhet mbroj interesat e shqiptarëve, Z. Blendi Gonxhja, mos firmos transferimin e Butrintit tek koncensionari pa u shprehur Gjykata Kushtetuese dhe mos lejo koncensionarin tju bej presion punonjesve te shtetit.

Z. Gonxhe, mos u bëni pjesë e kësaj skeme kriminale, mos fimosni dorëzimin e Butrintit më 14 shkurt, ndërkohë që Gjykata Kushtetuese po e shqyrton cështjen dhe ska ende një vendim. Mos e firmosni kur sot e dimë të gjithë nga raporti i UNESCO që UNESCO është kundër, që do të thotë se e gjithë skema është në kundërshtim me Konventën e Parisit dhe, për pasojë, me Kushtetutën.

Në CV tuaj publike lexova qe ju shkruani me
Krenari që jeni angazhuar në Në vitin 1998, Blendi Gonxhe u emërua si Shef i Kabinetit i Ministrit të Kulturës, Rinisë dhe Sporteve, Edi Rama, për zhvillimin e politikave mbrojtëse dhe të qëndrueshme të cilat u finalizuan me njohjen e Butrintit si Park Kombëtar. Edhe shume mire beni se arritje ka qene.

Nëse firmosni atë tranferimin, ju do firmosni copëtimin e parkut kombëtar të Butrintit në pjesë, një për koncenscionarin dhe ca për oligarkët, kjo ështe e kundërta e asaj që thoni me kokën lart se keni arritur në 1998. Mos firmosni tjetërsimin e historisë dhe identitetit kombëtar. Si ministër duhet të zbatoni kushtetutën dhe të ndiqni interesin publik,për këtë arsye nuk duhet të lejoni presionin e punonjësve të koncensionarit ndaj punonjësve të shtetit dhe nuk duhet ta trasferoni Butrintin ndërkohë që jemi në Gjykim Kushtetues.'- tha Zhupa.

Mes debateve të shumta mes opozitës dhe maxhorancës, para disa muajsh kuvendi miratoi me 75 vota pro, 18 kundër dhe 1 abstenim marrëveshjen për menaxhimin e Parkut Kombëtar të Butrintin nga fondacioni shqiptaro-amerikan AADF, në të cilën bën pjesë edhe shteti. 

Marrëveshja synon zhvillimin e Parkut të Butrintit, dhe kthimin e tij në një pikë të rëndësishme turistike. Fondacioni për menaxhimin e Butrintit krijohet në partneritet me Fondacionin jo shtetëror Shqiptaro-Amerikan për Zhvillim (AADF) dhe do të përbëhet nga 5 anëtarë, 2 prej të cilëve nga Ministria e Kulturës, 2 të tjerë nga partneri strategjik AADF, ndërsa një i pestë është arkeologu i huaj britanik Richard Hodges. Kontributi fillestar financiar i partnerit strategjik është 5 milionë dollarë, ndërsa ai i Ministrisë së Kulturës, 2 milionë dollarë.

Një grup prej 36 deputetësh opozitarë i kërkuan Gjykatës Kushtetuese që ta shfuqizojë si antikushtetues ligjin mbi administrimin e Parkut Kombëtar të Butrintit. Gjykata Kushtetuese, pak ditë më parë, bëri një ndryshim të procedurave të saj, duke i kërkuar qeverisë raportin e UNESCO-s dhe rihapjen e seances plenare për Butrintin

M.Q./S.G/Shqiptarja.com

TAG:
• debati per butrintin
• Ina Zhupa
• Butrinti