Çështja e votës së emigrantëve, Kryemadhi: KQZ duhet të garantojë fshehtësinë e votuesve

 

Kryetarja e Lëvizjes Socialiste për Integrim Monika Kryemadhi në fjalën e tij në tryezën e organizuar nga KQZ për votën e emigrantëve u shpreh se ato si subjekt politik kanë ngritur tre çështje.

‘LSI ka qenë pro gjithmonë, do rriste lidhjen mes diasporës dhe vendit tonë. Është diskutuar edhe në këshillin politik i ndërtuar mes PS, PD dhe LSI. Ne si subjekt politik kemi 3 çështje kryesore, regjistrimi i shtetasve me banim të përhershëm jashtë Shqipërisë. Ai së pari duhet të jetë i regjistruar dhe të deklarojë vendbanimin. Sa i besueshëm është si proces? Si do të stimulojmë që shtetasit shqiptarë të regjistrohen?

LEXO EDHE:
Celibashi diskuton me përfaqësues të ODIHR për auditimin e teknologjive në zgjedhje: Vendosëm piketat për bashkëpunim të ngushtë teknik

Çështja e dytë: mënyra e votimit. Vota e votuesve nga jashtë vendit duhet të garantohet fshehtësia nga KQZ. Kjo është edhe një nga garancitë për të pasur një proces zgjedhor të lirë dhe të ndershëm.

Çështja e tretë: ku do ta japë efektin e saj vota e emigrantëve? Do të krijohet një zonë e re zgjedhore? Pra zona zgjedhore e diasporës apo do të llogaritet në zonë zgjedhore ku zgjedhësi jetonte para se të largohej?’- tha Kryemadhi.

 

Lajmi kryesor:

KQZ: Duhet kod zgjedhor për votimet nga jashtë, të përfundojë në vjeshtën e 2023! PS: Të nisim punën! PD-LSI: Diaspora, zonë zgjedhore më vete! Jo votim me postë

M.Q./Sh.Sh/Shqiptarja.com

TAG:
• kqz
• vota e emigranteve
• pandeli majko
• enkeled alibeaj
• Yuri Kim