TIRANË- Brenda vjeshtës së vitit 2023 duhet të jetë gati procesi për votimin e emigrantëve nga jashtë vendit e për këtë kreu i KQZ-së, Ilirjan Celibashi theksoi se duhet dakordësi e plotë e të gjitha palëve politike.
“Partitë politike janë të ftuara për t’u bërë pjesë e procesit për votimin nga jashtë, do të konsultohet që në fillim drafti me të gjithë, synojmë ta përfundojmë jo më vonë se vjeshta që vjen”, tha Celibashi.
Në Konferencën Kombëtare “Votimi nga jashtë, koha është tani”, Celibashi shtoi se do të duhet të miratohet një kod zgjedhor vetëm për votimin nga jashtë, teksa në të njëjtën pikë është bashkuar edhe PD-LSI. Përfaqësuesi i PD-së, Enkelejd Alibeaj dhe kryetarja e LSI-së, Monika Kryemadhi tha se diaspora duhet të jetë një zonë zgjedhore më vete që të ketë përfaqësuesit e tyre në parlament.
"Diaspora duhet të jetë një zonë zgjedhore e posaçme, përfaqësuesit e tyre duhet të jenë në parlament", tha Celibashi.
"Ku do ta japë efektin e saj vota e emigrantëve? Do të krijohet një zonë e re zgjedhore? Pra zona zgjedhore e diasporës apo do të llogaritet në zonë zgjedhore ku zgjedhësi jetonte para se të largohej?’- tha Kryemadhi.
Mirëpo, të dy palët treguan edhe skepticizmin për këtë proces. Alibeaj ishte kundër votimit me postë, për shkak se nuk ishte garanci që vota e shqiptarëve jashtë do të manipulohej, teksa për Kryemadhin ishin "patronazhistët nëpër botë".
"Votimi me postë për këdo me mendje të arsyeshme duke parë se ca ka ndodhur në vend është i papranueshëm, standardi i garancisë së mbrojtjes së votës, si është për shqiptarët brenda vendit, duhet të jetë edhe me garancitë e votës së diasporës dhe emigrantëve, ky do të ishte elementi që do të çlironte çdo lloj frike", tha Alibeaj.
"Cila është infrastruktura që ne do të përdorim për këtë gjë? Nëpërmjet E-albania? (A rrezikojmë të na dalin të dhënave personale siç dolën në rastin e patronazhistëve? Do t’i regjistrojnë ambasadat tona, apo do të shkojnë shqiptarët të votojnë në ambasadat tona? Pra, sa i besueshëm është si proces", tha Kryemadhi.
Përgjigjen ua dha deputeti socialist, Pandeli Majko.
"Lidhur me faktin që do kemi patronazhisht, nëse dalin atje, në qafë paçim veten, perëndimi ka një kulturë tjetër, nuk duhet t'i qajmë hallin kalorësin pse i varen këmbët, votat mund të ndryshojnë politikën shqiptare, ta shikojmë njëri tjetrin në sy dhe të kuptojmë se dhe kur u ofruam që të ofronin 7000 aplikantë, partitë politike kishin frikë se dhe këta mund të manipuloheshim, kemi frikë nga njëri tjetrin dhe ua hoqëm të drejtën atyre", tha Majko, teksa tha se "topi" nuk është më në dorën e politikës, por të KQZ-së.
"Një grua ose është shtatzënë, ose nuk është shtatzënë, grua pak shtatzënë nuk ka. Palët politike cfrë kishin për të rënë dakord kanë rënë, tani ato që priten janë aktet nënligjore që duhet t'i bëjë KQZ", tha Majko.
Përtej problematikave të paraqitura nga PD-LSI, përfaqësuesi i PS-së, Sekretari i përgjithshëm, Damian Gjiknuri tha se socialistët janë gati të nisin nga puna.
Duke u ndalur të vota e emigrantëve, kryetarja e LSI-së, Monika Kryemadhi shprehu frikën e daljes së të dhënave të emigrantëve,
"Cila është infrastruktura që ne do të përdorim për këtë gjë? Nëpërmjet E-albania? (A rrezikojmë të na dalin të dhënave personale siç dolën në rastin e patronazhistëve? Do t’i regjistrojnë ambasadat tona, apo do të shkojnë shqiptarët të votojnë në ambasadat tona? Pra, sa i besueshëm është si proces", tha Kryemadhi.
Pandeli Majko i ktheu përgjigje, teksa tha se tani më "topi" është në dorën e KQZ, jo politikës.
" Një grua ose është shtatzënë, ose nuk është shtatzënë, grua pak shtatzënë nuk ka. Palët politike çfarë kishin për të rënë dakord kanë rënë, tani ato që priten janë aktet nënligjore që duhet t'i bëjë KQZ", tha Majko.
Përgjigjen ia ktheu edhe Celibashi.
"Do e shohim se ku do jetë topi nga sot e tutje, është e vërtetë që e gjitha është përgjegjësi e KQZ, por besoj që të gjithë kuptojmë që ka shumë rëndësi se në ca kohe i është vënë ky detyrimin, nëse është bërë vetëm për 6 muaj, përtej çdo dëshire është e pamundur, gjithsesi ca kaloi kaloi. faktet qëndrojnë, tani e tutje publiku dhe ne ndaj njëri tjetrit do të shikojmë se ku jemi të pozicionuar, kemi kohë para, por shpresojmë ta bëjmë me eficencë", tha Celibashi.
Kreu i grupit të PD-së, Enkelejd Alibeaj është shprehur se diaspora duhet të jetë një zonë zgjedhore më vete, me përfaqësi të tyre në parlament, teksa shtoi se ishte kundër votimit me postë.
"Shumica e shqiptarëve nuk ndodhen në vend, janë larguar, Kushtetuta ua garanton shtetasve të drejtën e votës, qëndrimi ynë është i thjeshtë dhe i kuptueshëm, bazohet në 3 pi ka kryesore, po diaspora duhet të votojë, madje duhet të votojë duke pasur të drejtën e përfaqësimit drejtpërdrejtë të identifikuar, diaspora duhet të jetë një zonë zgjedhore e posaçme, përfaqësuesit e tyre duhet të jenë në parlament, votimi me postë për këdo mëndje të arsyeshme duke parë se ca ka ndodhur është i papranueshëm, standardi i garancisë së mbrojtjes së votës, si është për shqiptarët brenda vendit, duhet të jetë edhe me garancitë e votës së diasporës dhe emigrantëve, ky do të ishte elementi që do të çlironte çdo lloj frike, që me votën e diasporës, që është jo vetëm larg syve, por edhe larg zemrës të mos kishte lojëra politike. Një barrë e rëndë, që do ishte instrumenti i bie dhe KQZ, teknologjia ka ecur dhe ka avancuar dhe ka një eksperiencë të mirë ato element garantistë", tha Alibeaj.
Kryetarja e Lëvizjes Socialiste për Integrim Monika Kryemadhi në fjalën e tij në tryezën e organizuar nga KQZ për votën e emigrantëve u shpreh se ato si subjekt politik kanë ngritur tre çështje.
‘LSI ka qenë pro gjithmonë, do rriste lidhjen mes diasporës dhe vendit tonë. Është diskutuar edhe në këshillin politik i ndërtuar mes PS, PD dhe LSI. Ne si subjekt politik kemi 3 çështje kryesore, regjistrimi i shtetasve me banim të përhershëm jashtë Shqipërisë. Ai së pari duhet të jetë i regjistruar dhe të deklarojë vendbanimin. Sa i besueshëm është si proces? Si do të stimulojmë që shtetasit shqiptarë të regjistrohen?
Çështja e dytë: mënyra e votimit. Vota e votuesve nga jashtë vendit duhet të garantohet fshehtësia nga KQZ. Kjo është edhe një nga garancitë për të pasur një proces zgjedhor të lirë dhe të ndershëm.
Çështja e tretë: ku do ta japë efektin e saj vota e emigrantëve? Do të krijohet një zonë e re zgjedhore? Pra zona zgjedhore e diasporës apo do të llogaritet në zonë zgjedhore ku zgjedhësi jetonte para se të largohej?’- tha Kryemadhi.
Sekretari i Përgjithshëm i Partisë Socialiste Damian Gjiknuri në fjalën e tij në tryezën e organizuar për votën e emigrantëve, u shpreh se zgjidhjet janë të mundshme. Gjiknuri bëri thirrje që të niset puna për Reformën Zgjedhore.
‘Ne arritëm që të sanksionojmë një të drejtë që nuk mendonim se do të arrihej, për shkak të paragjykimeve që kishim. KQZ është i pajisur me bazën ligjore për të eksploruar mënyrat sesi të arrihet vota e emigrantëve. Vullneti është shprehur aty, jam i bindur që të gjitha palët janë dakord që vota e diasporës të bëhet e mundur, kemi kohë deri në zgjedhjet parlamentare. Zgjidhjet ekzistojnë, janë të parashikuara sepse tashmë kemi një regjistër që regjistron edhe qytetarët që janë jashtë vendit, nuk do të jenë në listat e zgjedhësve që votojnë në Shqipëri po në një listë të veçantë.
Jashtë këtij procesi edhe mund të dalin probleme dhe shpresoj që me nisjen e punës së komisionit për reformën zgjedhore KQZ të jetë një shtysë. Është momenti të nisim punën për reformën zgjedhore, përfitoj nga momenti për ti kërkuar edhe partive politike të vijnë të punojmë në atë komision. Jemi të gatshëm të marrim pjesë dhe pas 3 vjetësh drejta e votës për emigrantët.’- u shpreh Gjiknuri.
Në fjalën e saj në Konferencën Kombëtare “Votimi nga jashtë, koha është tani”, ambasadorja amerikane në Tiranë Yuri Yuri ka deklaruar se SHBA do të vazhdojë të mbështesë reformat në Shqipëri. Ajo tha se zgjedhjet e 25 prillit ishin të mira por perfekte.
“Jam shumë e kënaqur që jam sot këtu. Duke pasur parasysh kontributet e shqiptarëve është vërtet koha e duhur të merren hapat e nevojshëm në mënyrë që të ushtrohet kjo e drejtë. Mënyra të lira dhe të drejta për të zgjedhur udhëheqësit që na përfaqësojnë. Zgjedhjet parlamentari të 2021 ishin të rëndësishme. SHBA mirëpret mundësi si kjo e sotmja, përfshirë mungesën e deri më tani të drejtën e diasporës për të votuar. Ne nxisim fuqimisht këtë. Dua t’ju lë me mendimin se si të rindërtonin besimin. Kur zhvillojmë gjedhe të lira dhe të ndershme kur respektojmë institucionet tona ky është argumenti më i fuqishëm në favor të demokracisë. Sa më demokratik të bëhemi aq më të fortë jemi, SHBA do të mbështesin fuqishëm reformat qoftë ato zgjedhore dhe reformat ne drejtësi”, tha Kim.
Komente
Lajme të tjera
-
Sulmi ndaj ambasadës shqiptare në Kiev, Majko zbulon mesazhin e koduar rus për Shqipërinë: Ata nuk bëjnë asgjë gabimisht
20 Dhjetor, 19:20 -
Mblidhet Këshilli i Ministrave, miraton ndryshimet në buxhet! Miratohet fondi për voton e diasporës e bonusi i pranverës për pensionistët
19 Dhjetor, 21:42 -
Ambasada e SHBA tha se nuk do punonte me persona 'non grata'/ Berisha: E shkroi Yuri Kim! Pëllumbesha Spirogjoka trembet nga 5 milionshi
19 Dhjetor, 13:05 -
Diaspora nuk do paguajë për votën, burime për Report Tv: Qeveria fond rreth 5 mln euro KQZ-së për postën
19 Dhjetor, 12:26 -
Rama: Shumë shqiptarë në Gjermani po kërkojnë rimarrjen e shtetësisë, duhet angazhim! Marrëveshja me Greqinë për pensionet, e vështirë
19 Dhjetor, 10:07 -
A do votojë diaspora? Krashi në 'Repolitix': Patjetër që do bëhet! Pano Soko: PD-PS nuk kanë vullnetin ta zbatojnë! Daci: Përfiton vetëm mazhoranca
18 Dhjetor, 22:18 -
Zgjedhjet parlamentare 2025, ambasadori i OSBE takim me Grupin Ndërkombëtar të Punës! Në fokus vota e diasporës
18 Dhjetor, 15:42 -
Alban Daci: Vota e shqiptarëve që jetojnë jashtë dhe politika si fenomen mosbesimi ndaj proceseve zgjedhore
18 Dhjetor, 14:11
-
Spiropali pret anëtarët e Këshillit Koordinues të Diasporës: Diskutuam mbi mundësinë e votimit në zgjedhje! Mësimi i gjuhës shqipe nga fëmijët
18 Dhjetor, 12:40 -
Zgjedhjet 2025 dhe vota e diasporës, Rama mbledh në seli drejtuesit politikë të PS
16 Dhjetor, 10:42 -
PS ndez motorët në Kukës, Majko: Opozita e vjetër destabilizuese, e reja populiste! Kushi: Më shumë angazhim për votën e diasporës
14 Dhjetor, 21:10
-
Celibashi takohet me VanHorn, e informon për përpjekjet e KQZ para zgjedhjeve parlamentare! E Ngarkuara me Punë shpreh mbështetjen e SHBA për zgjedhje të drejta
13 Dhjetor, 13:37
/DENIS/,100 % dakord me ju.Amerika votimin e ka te alternuar,me poste,por dhe me prezence fizike,bile ofron dhe votim te parakohshem,por Alibeaj kujton se te gjithe emigrantet do te marrin mundimin dhe do t'i hipin gomarit dhe do t'ia mbajne per ne Shqiperi qe te votojne pykat e politikes.Ne vend te propozimit per nje zone me vete per emigrantet,perse nuk propozon qe votat me poste te emigranteve te dergohen direkt ne KQZ per te evituar cdo problem,apo dyshim?
PërgjigjuKy Alibeaj qenka tamam i rekrutuar komunist. Neper Evrope dhe Ameriken e Veriut votohet me poste. Ky nuk na dashka. Si duket paska nje detyre te re per te minuar votimin nga jashte. PS te thoje qe jemi gati, ndersa ky maskarai te thote sduam poste. Me kaq ska ku te veje korrupsioni politik. O pyke ne diell qe ke dhe patente juristi. Eshte e drejte kushtetuese dhe shteti permes KQZ ka per detyre te siguroje procesin e votimin. Plehra.
Përgjigju