Komisioni hetimor i CEZ i ka dërguar një letër njoftim Shkëlzen Berishës për t'u paraqitur si dëshmitar në mbledhjen e radhës.

Në shkresën e siguruar nga Shqiptarja.com, shkruhet se Shkëlzen Berisha duhet  të paraqitet në komision ditën e hënë në orën 17:00 në të kundërt do të sillet me forcë në Komision.  

Në mbledhjen e fundit  Komisioni hetimor për aferën CEZ nuk mundi të marrë dëshminë e Shkëlzen Berishës, djalit të ish-kryeministrit Sali Berisha, pasi ai refuzoi të bënte betimin e të dëshmonte para anëtarëve të Komisionit Parlamentar. 
 
Shkëlzen Berisha, në bashkëpunim me Nuel Kalajn, ka luajtur rolin e sekserit para dhe gjatë privatizimit të CEZ, duke negociuar me përfaqësuesit e kompanisë çeke, në këmbim të përfitimit.