Çfarë ndodhi me survejimin e Lulzim Bashës?

 Ditën e premte të javës së kaluar, mediat raportuan se kreu i PD, Lulzim Basha ishte vënë nën survejim nga Policia e Shtetit.

Lajmi bëri bujë të madhe në media, ndërsa Basha mblodhi me urgjencë grupin parlamentar të Partisë Demokratike.

Nga ana tjetër edhe kreu i grupit parlamentar të PD, Edmond Spaho në një dalje për mediat e cilësoi këtë si një skandal, me porosi sipas tij të kryeministrit Rama dhe ministrit të Brendshëm, Fatmir Xhafaj.

LEXO EDHE:
Takimi i Ramës me emigrantët në Athinë, Basha: Nacionalizëm shterpë, u kemi borxh votën e diasporës

Basha pretendonte se survejimi i policisë lidhej me audio-përgjimin që PD publikoi disa ditë më parë, në lidhje me Agron Xhafajn, vëllain e ministrit të Brendshëm, Fatmir Xhafaj.

Nga ana tjetër Policia e Shtetit, ka përgënjeshtruar lajmin, duke theksuar se kreu i PD, dhe as ndonjë politikan tjetër nuk janë nën survejim nga uniformat blu. Policia thekson se kreu i opozitës mbrohet nga Garda e Republikës.

Por, vetë kreu i PD, Lulzim Basha lëshoi gjithë atë tymnajë, u bë qesharak në media, duke luajtur rolin e viktimës dhe ndërkohë pasditen e po asaj dite i hipën avionit dhe ikën në Holandë.

Për ngjarjen në fjalë, reagimet vijuan edhe të shtunën dhe pastaj u la në heshtje.

Mesa duket, çudia më e madhe për Lulin nuk zgjat tre ditë, por vetëm dy ditë, shkruan CNA.al.

Kreu i opozitës, hodhi tym në ajër, dhe ndërkohë mori pushimet e u largua drejt Holandës, për të ajrosur shtëpinë.

Ndërkohë, Albert Veliu, i ashtuquajturi “Dëshmitari X”, në audio-përgjimin, për të cilin PD pretendon se Agron Xhafaj, vëllai i ministrit të Brendshëm Fatmir Xhafaj, shfaqet duke bërë pazare droge, prej disa ditësh është arrestuar në Kosovë.

“Babalja” vijon të qëndrojë prapa hekurave në Kosovë, dhe ndërkohë nga ana e PD ende nuk ka asnjë reagim, asnjë qëndrim apo koment.

Albert Veliu, apo i quajturi ndryshe “Babalja” ishte simbol i audio-përgjimit, por është harruar nga Partia Demokratike.

Denoncimet e njëpasnjëshme në drejtim të ministrit Xhafaj, në fillim u duken si një aksion opozitar i mirë-organizuar, ndoshta aksioni opozitar më serioz që kur Lulzim Basha ka marrë drejtimin e PD, por edhe ky mesa duket do të ketë të njëjtin fat si të tjerët.

Në një kohë kur Basha harroi “heroin” e tij të audio-përgjimit, ky aksion opozitar duket se do dështojë, njëlloj si dhe protesta e 26 majit./Tema

TAG:
• lulzim basha
• policia e shtetit
• Survejim

Sondazhi i ditës:

Si i vlerësoni mesazhet që dha Rama në takimin me diasporën në Athinë?

• Të duhura

  84.9%

• Të gabuara

  10.3%

• Nuk e di

  4.8%

Vota total: 3729

• Sondazhi i ditës:

  Si i vlerësoni mesazhet që dha Rama në takimin me diasporën në Athinë?

  Të duhura Të gabuara Nuk e di