Champions League vijoi këtë të mërkurë me gjashtë ndeshjet e radhës për turin e parë në fazën e ligës. Emra si Bayern Munich, Liverpool, Inter apo PSG siguruan tri pikë, ndërsa Chelsea, Atletico Madrid dhe Ajax dështuan në përmbushjen e objektivave.

Në Munich, Bayern u imponua dhe fitoi 3-1 kundër Chelseas kampione bote në fuqi. Gjermanët kaluan në epërsi pas 20 minutave lojë me autogolin e Chalobah, para se Kane në të 27 minutë të tregohej i saktë nga 11 metërshi dhe t’i dërgonte shifrat në 2-0. Vetëm dy minuta më vonë Cole Palmer shkurtoi për anglezët, me duelin që u bë interesant në pjesën e dytë. Sërish Kane në minutën e 63 shënoi golin e qetësisë për Bayern, ndërsa miqve iu anulua një gol për pozicion të parregullt të Palmer një minutë nga fërshëllima finale.

Dramatik dueli në ‘Anfield’, me Liverpoolin që fitoi 3-2 kundër Atletico Madrid në limite. Robertson dhe Salah shënuan dy gola për të kuqtë brenda gjashtë minutave të para, ndërsa spanjollët barazuan me dopietën e Llorente në minutat 45+3 dhe 81. Fundi i sfidës ishte dramatik, me Liverpoolin që shënoi golin e fitores në minutën e dytë shtesë me van Dijk. Më pas trajneri Simeone i Atleticos u ndëshkua me karton të kuq.

Në Amsterdam, Interi fitoi 0-2 kundër Ajaxit me dopietën e Thuram në minutat 42 dhe 47. Në ‘Parkun e Princave’, PSG mposhti 4-0 Atalantën me golat e Marquinhos, Kvaratskhelia, Mendes dhe Ramos.

Në Athinë, Olympiacos barazoi 0-0 kundër debutuesve të Pafos, ndërsa Slavia e Pragës dhe Bodo/Glimt barazuan 2-2. Të enjte luhen gjashtë ndeshjet e mbetura për raundin e parë në fazën e ligës të Champions League.

Champions League, faza e ligës - Ndeshjet e para:

E martë, 16 shtator 2025

18:45

Athletic Bilbao 0-2 Arsenal

PSV 1-3 Royale Union SG

21:00

Benfica 2-3 Qarabag

Juventus 4-4 Dortmund

Real Madrid 2-1 Marseille

Tottenham 1-0 Villarreal

E mërkurë, 17 shtator 2025

18:45

Olympiacos 0-0 Pafos FC

SK Slavia Praga 2-2 Bodo/Glimt

21:00

Ajax 0-2 Inter

Bayern Munich 3-1 Chelsea

Liverpool 3-2 Atletico Madrid

PSG 4-0 Atalanta

E enjte, 18 shtator 2025

18:45

Club Brugge - Monaco

Copenhagen - Bayer Leverkusen

21:00

Eintracht Frankfurt - Galatasaray

Manchester City - Napoli

Neëcastle - Barcelona

Sporting Lisbone - Kairat Almaty

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera