POP 5

Lajmet më të lexuara të 5 minutave të fundit

Sport

Champions League/ Fati i Milanit në 'fije të perit', Inter kërkon fitore me patjetër! Spikat Liverpool-At.Madrid

Dy skuadrat e Milanos, Milan dhe Inter, do të kenë përballje vendimtare mbrëmjen e sotme në Champions League. Ndër të tjera ajo që bie në sy është supersfida Liverpol-Atletico, ndërsa në Bernabeu Real Madrid do të presë Shakhtar Donetsk.

Për Milanin sonte do të jetë mundësia e fundit për të shpresur te kalimi i fazës së grupeve në Champions League. ‘Djalli’, që udhëheq Seria A, në tre ndeshjet e para ka vetëm humbje dhe kundër Portos në San Siro çdo rezultat tjetër përveç fitores do ta nxirrte matematikisht nga gara. Në takimin që do të luhet në orën 18:45 skuadrës së Piolit do t’i mungojë Rebic, Maignan, Bakayoko, Florenzi dhe Castellijo që gjithsesi nuk është i përfshirë në listën e Championsit. Sfida e parë në Portugali u fitua nga Porto 1-0, ndërsa përballja tjetër e B është edhe supersfida e mbrëmjes mes Liverpool dhe Atletico Madrid. Anglezët janë me pikë të plota pas 3 ndeshjeve të para, ndërsa spanjollët e Simeone-s deri më tani kanë grumbulluar 4 pikë.

Nëse Milan do ketë përballjen e jetës jo më pak e rëndësishme do jetë edhe për Interin në grupin D. Pas fitores në San Siro zikaltërit kanë udhëtuar në Moldavi për t’u ndeshur sonte në orën 21:00 me surprizën Sherif Tiraspol, që në 3 ndeshje ka 6 pikë. Nëse zikaltërit nuk arrijnë të fitojnë atëherë shanset për të kaluar grupin komplikohen ndjeshëm. Ndeshja tjetër e këtij grupi do jetë në Bernabeu mes Real Madrid dhe Shkahtar. ‘Galaktikët’ e Ancelotti-t ndajnë vendin e parë me Sherifin dhe një fitore sot në orën 18:45 do vlente për të vendosur diktatin në grup.

Në grupin A Paris SG, që deri më tani ka 7 pikë, udhëton në transfertën gjermane për t’u përballur me Leipzig, ndërsa sfida tjetër diskutohet në Angli mes Manchester City-t dhe Club Brugge.

Ndërkohë në grupin C Dortmund i vendit të dytë kërkon të hakmarret ndaj Ajax-it kryesues, që dy javë më parë e turpëroi 4-0 në Holandë. Sakaq në Portugali Sportingu do të presë Besiktas, një sfidë që do të tregoi nëse do ketë luftë për vendin e dytë apo jo.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë

Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë

25 Nëntor, 16:07