POP 5

Lajmet më të lexuara të 5 minutave të fundit

Sport

Champions League, Kukësi kërkon sot të shkruajë historinë në Baku

Kukësi do të luajë sot ndeshjen e kthimit të turit të dytë eliminator në Champions League.
Champions League, Kukësi kërkon sot të shkruajë historinë në Baku

Lojtarët e Kukësit gjatë ndeshjes me Qarabag

Kukësi do të luajë sot ndeshjen e kthimit të turit të dytë eliminator në Champions League. Përballë Karabakut të Azerbajxhanit kualifikimi është shumë i vështirë, por jo i pamundur. Ndeshja e parë në Shkodër ka përfunduar në barazim pa gola dhe mundësitë, ndonëse minimale, janë për të kaluar në turin e tretë, çka do të ishte historike për klubin verilindor.

Pas kualifikimit historik të Shkëndijës së Tetovës, që kaloi për herë të parë në turin e tretë eliminator të Champions League, të njëjtën gjë kërkon edhe Kukësi sot në mbrëmje ndaj Qarabag në Baku, teksa sfida e parë në Shkodër ka përfunduar në barazim pa gola. Plot 19 mijë bileta janë shitur për ndeshjen e sotme, që starton në orën 19:00, në Baku, çka do të thotë se verilindorët do ta kenë edhe më të vështirë të arrijnë misionin e tyre.

Në turin e kaluar, Qarabag eliminoi kampionen e Sllovenisë, Olimipija Lubjana, ku në stadium ishin 21 mijë e 500 tifozë. Stadiumi “Tofik Bahramov”, ku do të luhet sot ndeshja  ka një kapacitet prej 31 mijë e 200 vendesh dhe në rast se do të shiten realisht 28 mijë bileta, atëherë do të jetë e vështirë që të shihen vende bosh në stadium. 

Ndërkohë, Kukësi është përballur edhe me një tjetër problem, pasi nuk ka pranuar futbollistët kosovarë, por për trajnerin Cungu, ky fakt nuk do të ndikojë, pavarësisht se nuk është normale në një ndeshje të Champions League. Kukësi ka përpara një sfidë që vlen miliona euro, rëndësi të cilën drejtuesit dhe ekipi verilindor e kanë konsideruar si ndeshjen e “jetës”, pasi nëse Kukësi kalon Qarabag, fiton plot 1 milion e 440 mijë euro.

Duke ditur të gjitha këto, presidenti Gjici shpërndau edhe premion prej 100 mijë eurosh të suksesit të Valleta-s, ndërkohë i premtoi ekipit çek të bardhë për kalimin e turit të dytë. Pritet që, nëse Kukësi do kalojë turin, kreu i klubit ta rrisë deri në 150 mijë euro premion.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Spahiu: Komike, Erion Veliaj pyetet për 4 bileta në 2011, Berisha nuk pyetet as për 4 të vrarë në 2011 gjithashtu

Spahiu: Komike, Erion Veliaj pyetet për 4 bileta në 2011, Berisha nuk pyetet as për 4 të vrarë në 2011 gjithashtu

26 Dhjetor, 22:18