Champions League vijon këtë të mërkurë me aktin e dytë të ndeshjeve për raundin e tretë. Padyshim që këtë mbrëmje vëmendja do jetë në Katalonjë, aty ku Bracelona do përballet me Bayern Munich. Në stolin e katalanasve është Hansi Flick, që disa vite më parë si pjesë e bavarezëve i shkaktoi Barçës humbjen turpëruese 8-2, mbetur në kujtesën e tifozëve (14 gusht 2020).
Gjithçka nis në 18:45 me dy duele. Atalanta luan kundër Celtic në Bergamo, ndërsa Bayer Leverkusen udhëton në Francë ku e pret Brest, ekipi surprizë me dy fitore në ndeshjet e para.
Në 21:00 luhen shtatë takimet e radhës. Veç Barcelona - Bayern Munich, spikat edhe Manchester City - Sparta Praga (me katër shqiptarë në ekip, Rrahmani, Krasniqi, Tuci dhe Laçi), Leipzig - Liverpool apo Young Boys - Inter.
Champions League, raundi 3 - E mërkurë, 23.10.2024:
18:45
Atalanta - Celtic
Brest - Bayer Leverkusen
21:00
Atletico Madrid - Lille
Barcelona - Bayern Munich
Benfica - Feyenoord
Manchester City - Sparta e Pragës
RB Leipzig - Liverpool
Salzburg - Dinamo Zagreb
Young Boys - Inter
Renditja:
Për raundin e tretë në Champions League, Manchester City pret sot Spartën e Pragës në 21:00. Përpara ndeshjes, Pep Guardiola tha se City ka katër mungesa të rëndësishme. Ndërkohë që me Spartën e Pragës luajnë Qazim Laçi, Indrit Tuci, Ermal Krasniqi dhe Albion Rrahmani.
“Kemi katër mungesa të rëndësishme për momentin: Kevin de Bruyne, Kyle Walker, Rodri dhe Oscar Bobb. Shpresojmë që dy prej tyre të kthehen së shpejti.
Oscar mendoj se në janar ose shkurt do të jetë gati. Rodri na mungon shumë, por mendoj se të gjitha klubet në mbarë botën kanë probleme të ngjashme.
De Bruyne nuk ka probleme të mëdha, por nuk ndihet 100%. Kevin nuk është më 22 vjeç, ai duhet të jetë plotësisht i aftë për të luajtur futboll. Nëse ai nuk ndihet plotësisht rehat, nuk mund të shprehë plotësisht potencialin e tij të jashtëzakonshëm”, tha Guardiola.
Atalanta dhe Celtic luajnë sot në Bergamo në orën 18:45 për raundin e tretë në Champions League. Trajneri i italianëve, Gian Piero Gasperini ka treguar se ky duel është një shans i mirë që të tijtë të marrin pikë.
“Në kampionat këto dy fitoret e fundit kanë përmirësuar renditjen, por ky është një tjetër kompeticion. Duhet të luftojmë në këtë lloj Champions League. Pikët kanë filluar të peshojnë më shumë, por ne kemi mundësi të konsolidojmë atë që kemi bërë.’’
Në sulm do të jetë Retegui, i cili po përjeton një moment magjik, por Gasp kërkon akoma më shumë.
“Tashmë kemi thënë gjithçka. Ai mund të bëjë edhe më shumë, ai ende mund të rritet”, tha ai.
Young Boys dhe Inter përballen sot në 21:00 në Bernë për turin e tretë në Champions League.
Simone Inzaghi është gati për të nisur ndryshimet te zikaltërit, edhe për shkak të mungesave të detyruara të Acerbit, Asllanit dhe Calhanoglu. Nga minuta e parë, Bisseck, Carlos Augusto, Frattesi, Arnautovic dhe Taremi.
"Nuk do të jetë një ndeshje e lehtë, duhet të mësohemi me fushën sintetike. Të dëmtuarit? Nuk do të jenë Calhanoglu, Acerbi, Asllani dhe Buchanan. Do të duhet të vlerësojmë edhe kushtet e atyre që luajtën të dielën dhe të kuptojmë se si janë. Zielinski dha përgjigje të mira, unë do të përpiqem të bëj zgjedhjet e duhura”, tha Inzaghi, që shtoi se nuk duhet të mendojnë për ndeshjen e ardhshme në Serie A, atë kundër Juventusit.
Atletico Madrid dhe Lille luajnë sot në 21:00 në Spanjë. Dueli i tretë në Champions League është komentuar edhe nga Diego Simeone, me trajnerin e Atl. Madrid që nuk ka besim te Edon Zhegrova dhe shokët e tij.
“Është një ekip që luan shumë mirë. Ata mundën Realin, performuan shumë mirë në ligë, në Champions League humbën në Lisbonë (kundër Sportingut). Kanë një ekip me lojtarë që, bazuar në karakteristikat e trajnerit të tyre, luan një lojë të ndezur dhe të guximshme dhe nuk mund ta imagjinoj të shoh një skuadër ndryshe nga ajo”, tha ai.
Lajme të tjera
-
GOLAT/ Milan e Juventus 0-0 në një sfidë të shëmtuar, Atalanta fiton dhe merr kreun! Interi i jep 'shuplakë' Veronas
23 Nëntor, 20:00 -
Shtyhet inaugurimi, Barcelona rikthehet me vonesë në 'Camp Nou-n' e ri
21 Nëntor, 16:07 -
Ekstradohet një 62-vjeçar nga Gjermania, akuzohet se kanosi një shtetase për t'i marrë 5000 euro, i ngacmoi seksualisht mbesën
21 Nëntor, 15:29 -
Ofendoi Liverpoolin dhe Jurgen Klopp, pezullohet arbitri i Premier League
12 Nëntor, 15:42 -
VIDEO/ Barcelona pëson humbjen e dytë, baskët e Real Sociedad e mposhtin me një gol
10 Nëntor, 23:00 -
GOLAT/ Interi barazon 1-1 kundër Napolit, Roma dështon sërish dhe shkarkon trajnerin! Atalanta merr vendin e dytë, renditja e Serie A bëhet 'lëmsh'
10 Nëntor, 15:38 -
Ndodh për herë të tretë radhazi, Berat Gjimshiti dëmtohet kur afrohen sfidat e Kombëtares
10 Nëntor, 15:11 -
GOLAT/ Liverpool fiton 2-0 në shtëpi dhe shkëputet +5 nga 'Qytetarët', Brighton i shkakton Cityt humbjen e katërt radhazi
9 Nëntor, 21:10 -
Bundesliga/ Leverkusen tre ndeshje pa fitore, Dortmund mposhtet nga Mainz! Bayern Munich fiton në udhëtim dhe mban kreun
9 Nëntor, 17:45 -
Simone krenar për Interin, Inzaghi: Kam 23 titullarë, katër ndeshje pa pësuar
7 Nëntor, 15:33 -
Mikel Arteta i zhgënjyer pas humbjes me Interin: S'e kuptova penalltinë e tyre, as 11 metërshin që nuk u dha për ne
7 Nëntor, 12:44 -
VIDEO/ Adoleshenti i Barcelonës 'shpërfytyrohet' në Beograd, i qeshur edhe pas dhjetë qepjeve në fytyrë
7 Nëntor, 11:38
