X

POP 5

Lajmet më të lexuara të 5 minutave të fundit

Sport

Champions League/ Sonte supersfidat Liverpool-Napoli dhe Bayern-Inter, trajneri i Inzaghi: Do jetë mbrëmja e Kristjan Asllanit

Katër nga tetë grupe mbyllin sonte fazën e parë të Champions League ku spikat përballja Bayern-Inter. Sipas trajnerit të skuadrës italiane Simone Inzaghi sonte do jetë nata e Kristjan Asallanit, ndërsa jo më pak interesante është sfida mes Liverpool dhe Napolit. Në grupin D nuk ka ende asnjë skuadër të kualifikuar, ndërsa në grupin B gjithçka është vulosur.

Mesfushori shqiptar Kristjan Asllani do ketë mundësinë të tregojë nga repertori i tij në supersfidën Bayern-Inter, që luhet sonte në ‘Champions League’. Të dy skuadrat e grupit C janë të kualifikuara, me gjermanët që kanë blinduar edhe vendin e parë. Në prag të sfidës trajneri i italianëve Simone Inzaghi është shprehur se ‘Asllani po e vë në vështirësi në stërvitje’ dhe se sonte do ti bëjë vend në formacion. Ai shton se ‘sonte mund të jetë ndeshja e shqiptarit’, por gjithsesi premton se nuk do ketë shumë ndryshime në formacion.

Sfida tjetër e grupit është mes Plzen dhe Barcelonës, me Katalanasit që kanë siguruar matematikisht kalimin në Europa League.

Jo më pak interesante është edhe përballja mes Liverpool dhe Napolit. Të dy skuadrat e kanë siguruar kualifikimin në turin tjetër, por anglezët duhet të fitojnë me katër gola për t’i marrë vendin e parë italianëve. Në prag të sfidës trajneri i ‘the reds’ Jurgen Kloop është shprehur se ‘ky Napoli mund të shkojë deri në finalen e Champions League’. Sfida tjetër e grupit është mes Rangers dhe Ajax, me skocët që gjithashtu duan një fitore me 5 gola për t’i marrë vendin në Europa League holandezëve.

Kur ka mbetur edhe një ndeshje pa u luajtur grupi më enigmatike është grupi D. Tottenham-it i duhet të paktën një barazim në Francë kundër Marseille-s, ndërsa edhe Sportingu do t’u mjaftonte me të njëjtin rezultat kundër Eintracht Frankfurt.

Në grupin B Clubb Bruge dhe Porto janë kualifikuar kështu që luhet për vendin e parë dhe kush shkon në Europa League. Për Porto-n duket më e vështirë pasi pret Atletico-n e vendit të tretë, ndërsa Clubb Brugge ka udhëtuar në Gjermani për t’u përballur me Bayern Leverkusen.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni punën e Gjykatave e Prokurorive në qarqe?

Lajme të tjera



×

Lajmi i fundit

Edlir Tetova dhe Ivan Gvozdenovic, dy heronjtë e Superligës

Edlir Tetova dhe Ivan Gvozdenovic, dy heronjtë e Superligës

26 Prill, 09:40