Champions League mbyll këtë të mërkurë ndeshjet e kthimit të fazës çerekfinale, ndërsa do mësohen dy sfidat gjysmëfinale. Duke nisur nga ora 21:00 luhen Bayern Munich - Real Madrid dhe Arsenal - Sporting Lisbone.

Në 'Allianz Arena' Bayern Munich pret rekordmenët e Real Madridit në një ndeshje që mund të konsiderohet edhe si finale e parakohshme. Gjermanët e fituan 1-2 ndeshjen e parë në 'Bernabeu' dhe kanë një avantazh të lehtë, por përballë është Real Madridi që në këtë kompeticion 'shndërrohet' në superfuqi.

Alvaro Arbeloa te spanjollët do kenë katër mungesa shumë të rëndësishme si portierin Thibaut Courtois, Rodrygo, Tchouameni dhe Asencio. Nga ana tjetër Vincent Kompany duhet të bëjë pa talentin Lennart Karl, Cardozo, Kiala, Mike dhe Ulreich. Fituesi i këtij çifti do përballet në gjysmëfinale me PSG-në.

Në 'Emirates' të Londrës Arsenali pret Sportingun e Lisbonës, teksa anglezët fituan minimalisht 0-1 në ndeshjen e parë në Portugali. Sportingut s'i zihet besë, ndërsa Mikel Arteta nuk dëshiron të rrezikojë paçka se një barazim do i jepte të drejtë të kalonte më tej. Fituesi i këtij çifti do përballet në gjysmëfinale me Atletico Madridin.

Champions League, çerekfinalet e kthimit

E mërkurë, 15 prill 2026 - 21:00

Arsenal - Sporting Lisbone (1-0)

Bayern Munich - Real Madrid (2-1)

E martë, 14 prill 2026 - 21:00

Atletico Madrid 1-2 Barcelona (2-0)

Liverpool 0-2 PSG (0-2)

*Shënim: Në kllapa () rezultatet e ndeshjeve të para