Champions League/ Tre skuadra italiane në çerekfinale, Napoli tripletë Frankfurt-it! Real Madrid mund Liverpool-in në 'Bernabeu', spanjollët kalojnë më tej (GOLAT)

Champions League ka zhvilluar dy ndeshjet e fundit të kthimit për fazën e 1/8. Napoli mundi Eintracht Frankfurtin 3-0, me italianët që kalojnë në çerekfinale . Nga ana tjetër, Real Madrid mundi 1-0 Liverpoolin në "Bernabeu", me spanjollët që fituan 2-5 në ndeshjen e parë dhe kalojnë më tej. Ndeshja në Madrid ishte e luftuar dhe me ritëm, teksa dy skuadrat shënuan vetëm një gol. Përballja që ishte përsëritje e finales së edicionit të shkuar, sërish pa triumfues "Galaktikët". Me përballjet e sotme, Champions League mëson edhe tetë skuadrat çerekfinaliste.

Napoli dhe Real Madrid i bashkohen ekipve të Bayern Munich, Benfica, Chelsea, Inter, Milan dhe Manchester City. Shorti për fazën çerekfinale në Ligën e Kampionëve do hidhet të premte në 12:00 në Nyon të Zvicrës. Pas shumë vitesh, tre skuadra nga Serie A janë në këtë fazë.

Në stadiumin "Diego Armando Maradona", Napoli mundi 3-0 Eintracht Frankfurtin në ndeshjen e kthimit për fazën e 1/8 në Champions League. Italianët kalojnë në çerekfinale, teksa morën fitore 0-2 edhe në ndeshjen e parë. Golat për djemtë e Spallettit u shënuan nga dopieta e Osimhen në minutat 45+2 dhe 53, teksa Zielinski nga penalltia shënoi në minutën e 64 për 3-0. Në këtë përballje nuk kishte tifozë miq, megjithëse afro 2 mijë ultras të gjermanëve ishin në Napoli dhe shkaktuan kaos dhe përplasje me policinë gjatë ditës.

Në "Bernabeu", Real Madrid fitoi 1-0 me Liverpoolin në ndeshjen e kthimit për 1/8 e Champions League. "Galaktikët" fituan edhe ndeshjen e parë 2-5 në Angli, duke kaluar në çerekfinale. Në përballjen e sotme, goli i vetëm i ndeshjes u shënua nga Benzema në minutën e 79-të. Në asnjë moment Real Madrid nuk e vendosi në diskutim kalimin më tej.

Rendit zhvillimet sipas orarit:

Të Fundit Të Parat

S.DH/Shqiptarja.com

TAG:
• Eintracht Frankfurt
• napoli
• liverpool
• real madrid
• champions league