POP 5

Lajmet më të lexuara të 5 minutave të fundit

Sport

Çiklizëm, garuesit e Partizanit dhe Tiranës fitojnë etapën e parë për Kupën e Shqipërisë! Prefekti i Korçës: Aktiviteti promovon qarkun

55 çiklistë nga Shqipëria, Kosova dhe Maqedonia e Veriut, garuan në qarkun e Korçës për Kupën e Shqipërisë. Fitues në dy kategori të ndryshme u shpallën çiklistët e Partizanit dhe Tiranës.

Qarku i Korçës ka mirëpritur këtë të hënë dhe të martë Kupën e Shqipërisë në çiklizëm ku morën pjesë 55 sportistë nga Shqipëria, Kosova dhe Maqedonia e Veriut, të cilët garuan në Kategoritë Elitë dhe Kadet. Olsian Velia kaloi i pari vijën e finishit në etapën e parë me terren fushor për kategorinë Elitë.

“Gara ishte tepër e fortë sepse kishim konkurent Nikolon, djalin nga Maqedonia e Veriut specialist në fushore, çiklist i vjetër dhe shumë i fortë. Stërvitja ime gjithsesi është e mirë sepse për katër ditë është kampionati ballkanik dhe ne do shkojmë për fitore,”-u shpreh Olsian Velia, fitues i garës Elitë.

Sakaq në kategoritë Kadet më i shpejti u tregua Jorid Gjoka, çiklist i ekipit të Partizanit.

“Bëmë një shkëputje në malore me dy çunat e Korçës dhe me atë shkëputje punuam bashkë që erdhëm në finish. 2-3 kilometra para finishit bëra një kolpo për shkëputje dhe mbajta ritëm fort që dola në vend të parë,”-tha Jorid Gjoka, fitues i garës Kadet.

Për qarkun e Korçës Kupa e Shqipërisë në çiklizëm nuk ka vetëm rëndësi në aspektin sportiv.

“Mendoj se aktivitet të tilla janë shumë pozitive sepse përcjellin simbolikën e rëndësishme për edukimin fizik dhe dashurinë për sportin. Shërbejnë gjithashtu edhe për promovimin e qarkut tonë,”-deklaroi Nertil Jole, prefekti i Korçës.

Megjithatë organizimi i Kupës së Shqipërisë në çiklizëm nuk kaloi pa pasoja, pasi krijoi trafik ndonëse policia më herët kishte lajmërua akset që do bllokoheshin.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A respektohen të drejtat e punëtorëve në Shqipëri?

Lajme të tjera



×

Lajmi i fundit

Gonzato mesazh medias: Informoni bazuar mbi fakte e të vërteta! BE-në e keni në krah

Gonzato mesazh medias: Informoni bazuar mbi fakte e të vërteta! BE-në e keni në krah

2 Maj, 12:25