POP 5

Lajmet më të lexuara të 5 minutave të fundit

Ekonomi

Çmimet e larta frenojnë konsumin, u ul me rreth 2% në verë! Ecuria më e dobët që nga pandemia! INSTAT: Nuk u rrit as nga turistët e shumtë

As bumi turistik i këtij viti nuk e rriti konsumin në vend. INSTAT raporton se konsumi i popullatës në tremujorin e tretë ishte 2% nga mbi 4% që ishte në tremujorin e dytë. Shkak për këtë janë çmimet e larta që kanë frenuar qytetarët të bëjnë shpenzime, si dhe tregon se vendi ka pritur turistë që kanë konsumuar pak.

Shqipëria priti 4.6 milionë turistë gjatë tre muajve të sezonit veror, por ky fluks i lartë ndikoi shumë pak në rritjen e konsumit në vendin tonë.

Raporti i fundit i INSTAT tregon se konsumi i popullatës në tremujorin e tretë të këtij viti (korrik-gusht-shtator), është rritur me vetëm 2.06%, nga rreth 4.03% që ishte në tremujorin e dytë apo 3.05% në tremujorin e parë të 2023-shit

Ky ngadalësim i konsumit, gjatë kësaj periudhe i cili është ulur me rreth 2% krahasuar me tremujorin e dytë të vitit, tregon se çmimet e larta kanë frenuar qytetarët që të shpenzojnë. Në këtë tremujor inflacioni ka qenë 4.1%, dhe rritja më e fortë ishte pikërisht tek mallrat e konsumit, e ndikuar më shumë nga produktet e shportës që u shtrenjtuan me 8.2%.  Parashikimet e Bankës së Shqipërisë flasin për pritje jo optimiste edhe për shpenzimet në vijim të familjeve, të cilat janë të prirura drejt kursimit.

Po ashtu ndikim në reduktimin e konsumit ka edhe ulja e popullsisë dhe emigrimi, pasi në 1 janar të këtij viti vendi kishte 31.807 banorë më pak se më 1 janar 2022.

Por teksa konstatohet ulja e konsumit të qytetarëve prej çmimeve, nga ana tjetër dëshmon edhe faktin që turistët që vizituan vendin nuk ishin konsumatorë të mëdhenj, dhe kanë shpenzuar më pak se vitin e kaluar nëpër bare, restorante, markete etj, kjo për faktin se një numër i madh vizitorësh të rajonit janë pushues një ose dy ditor.

Për shkak të konsumit të ulët të turistëve, qeveria ka kërkuar edhe nga bizneset e sektorit të turizmit të rrisin standardet e shërbimeve që të synohet turizmi i luksit.

Konsumi gjatë këtij nëntë mujori u rrit me vetëm 3.04%, që është shifra më e ulët e regjistruar që prej karantinës së shkaktuar prej COVID-19, pasi vjet konsumi në këtë periudhë u rrit me 8.17%, dhe në vitin 2021 u rrit me 4.2%.

KONSUMI FINAL I POPULLATËS
Tremujori i parë     +3,05%
Tremujori i dytë     +4,03%
Tremujori i tretë     +2,06%

KONSUMI I POPULLATËS
Janar-Shtator 2021       4.2%
Janar-Shtator 2022       8.17%
Janar-Shtator 2023       3.04%

POPULLSIA E SHQIPËRISË
Janar 2022     2.793.592 banorë
Janar 2023     2.761.785 banorë
Rënia                 -31.807 banorë

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 23/12/2023 02:55

    Turistet qe erdhen ne Shqiperi(po te perjashtosh turistet shqiptare me pashaporta te huaja) ishin turiste krize boterore.Erdhen se u reklamuam si vend me cmime te lira,jo se Shqiperia ishte patjeter zgjidhja e pare dhe me e preferuar.Per ekonomine tone ishte gje e mire,por nuk mund te pritet shume nga /turizmi ekonomik/.Nese inflacioni e kriza boterore shkon drejt permiresimit,do te kemi dhe me pak turiste.Sa per konsumin e brendshem e cmimet e larta,ajo eshte semundje kronike e jona,pjeserisht per shkak te matrapazeve tane e makuterise orientale qe kemi ne gjak,pjeserisht edhe per shkak te politikave te shtetit.

    Përgjigju
  • Mario: 22/12/2023 18:47

    Shqiptaret nuk marrin vesh nga tregetia. Duan te nxjerrin dhjamin nga pleshti, dhe pastaj ngelen pa gje, sepse ato mallra u ngelen stoqe, ngaqe nuk mund t'i blejne dot njerzit, dhe pastaj dalin neper televizione dhe ankohen e qajne perse nuk u shiten.

    Përgjigju
  • Turi: 22/12/2023 17:03

    Moj ti cupe , ne kemi miliarda te ardhura e triliona turiste, deti kos, si na a prish prrallen se gjoja eshte ulur konsumi ??? Eshte 10 fishuar, se nuk dalin letrat e Rames mi xhan...

    Përgjigju
  • Sondazhi i ditës:

    A mund të zhvillojë Shqipëria turizmin elitar?

Lajme të tjera



×

Lajmi i fundit

Militantët e Rithemelimit e PL hedhin molotovë në drejtim të Bashkisë së Tiranës! Pamje kur efektivët ndërhyjnë për të shuar flakët

Militantët e Rithemelimit e PL hedhin molotovë në drejtim të Bashkisë së Tiranës! Pamje kur efektivët ndërhyjnë për të shuar flakët

30 Prill, 17:08