POP 5

Lajmet më të lexuara të 5 minutave të fundit

Ekonomi

Çmimet e ushqimeve bien me 1%, INSTAT: Frutat vijojnë të jenë më të shtrenjtat

Bien me 1% çmimet e ushqimeve në muajin prill krahasuar me muajin mars. INSTAT raporton se në muajin që lamë pas inflacioni zbriti në 1.9%, nga 2.1% që ishte në muajin mars. Nga ana tjetër frutat vijojnë të jenë më të shtrenjtat.

Çmimet e ushqimeve dhe pijeve joalkoolike në muajin prill kanë pësuar një ulje me 1,0% krahasuar me muajin mars. INSTAT raporton se inflacioni në muajin prill ishte në nivelin e 1.9% ndryshe nga muaji mars kur ky tregues arriti në 2.1%.

Edhe në muajin që lamë pas shtrenjtimi më i madh i çmimeve është reflektuar tek grupi “Ushqime dhe pije joalkoolike” me 1,63%, e ndjekur më pas nga grupi “Qira, ujë, lëndë djegëse dhe energji” me +0,27 pikë përqindje.

Me përhapjen e pandemisë çmimet e frutave arritën në nivelin më të lartë të tyre, dhe si shkak i abuzimeve në disa raste institucionet shtetërore ushtruan një sërë kontrollesh dhe ndëshkime për ata që rrisnin çmimet. Ndërkohë edhe në muajin prill përsëri frutat janë shtrenjtuar me 5.6 pikë krahasuar me marsin e ndjekur më pas nga rritja e çmimit tek qumështi dhe tek peshku. Nga ana tjetër sipas INSTAT çmimet e zarzavateve kanë pësuar rënie të ndjeshme në çmim.

Ndërkohë sa i takon raportit vjetor në muajin prill çmimet e ushqimeve dhe pijeve joalkoolike janë rritur me 4.3%, e ndjekur më pas nga kategoria e argëtim dhe kulturë.

Negativisht në rritjen e çmimeve ka ndikuar transporti me 1,7 %, duke qenë se për muajin prill, nuk u lejua qarkullimi i mjeteve përveç atyre me autorizim, po ashtu ka rënë edhe çmimi i pijeve joalkoolike, dhe duhanit si dhe të veshjeve e këpucëve.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

O’Brien: Kosova e Serbia duhet të ecin përpara për hir të së ardhmes së tyre europiane

O’Brien: Kosova e Serbia duhet të ecin përpara për hir të së ardhmes së tyre europiane

12 Janar, 13:52