Çmimet ulin kërkesën për mallra, ngadalësohet tregtia! Në gusht eksportet ranë me 10% krahasuar me korrikun

Çmimet ulin kërkesën për mallra, ngadalësohet tregtia! Në gusht eksportet ranë me 10% krahasuar me korrikun

Kjo rënie e tregtisë dëshmon edhe për një reduktim të konsumit në kushtet e pasigurisë ekonomike që ka përfshirë gjithë Evropën për shkak të luftës që po zhvillohet mes Rusisë e Ukrainës, e cilat ka tronditur tregjet, ndërkohë që inflacioni ka arritur shifra rekord të dy dekadave të fundit.

“Në Gusht 2022 eksportet e mallrave arritën vlerën 35 miliardë lekë, duke u rritur me 48,1 %, në krahasim me të njëjtën periudhë të një viti më parë dhe duke u ulur me 10,8 %, në krahasim me Korrik 2022. Importet e mallrave arritën vlerën 80 mld lekë, duke u rritur me 30,8 %, në krahasim me një vit më parë dhe duke u ulur me 2,6 %, në krahasim me Korrik 2022. Deficiti tregtar i këtij muaji është 44 mld lekë, duke u rritur me 19,6 %, krahasuar me Gusht 2021 dhe me 5,2 %, në krahasim me Korrik 2022”, thuhet në raportin e INSTAT.

Rritja e tregtisë në vlerë monetare në raport me vitin e kaluar, dëshmon në fakt rritjen e çmimeve, pasi tregtarët për të njëjtat produkte po paguajnë më shumë për ti blerë nga jashtë. E njëjta gjë ndodh edhe me produktet shqiptare që shiten në tregjet e huaja, pasi edhe vlera e tyre është rritur.

Energjia elektrike ka kontributin më të madh në rritjen e importeve në vlerë monetare thotë INSTAT, kjo ka ardhur për shkak se në muajin gusht importet e energjisë arritën vlera stratosferike, ku një megavat kalojë vlerën 1000 euro.

“Gjatë muajit Gusht 2022, në rritjen e importeve prej 30,8 %, krahasuar me Gusht 2021, kanë ndikuar pozitivisht grupet: “Minerale, lëndë djegëse dhe energji elektrike” me +20,3 pikë përqindje, “Materiale ndërtimi dhe metale” me +2,6 pikë përqindje dhe “Ushqime, pije, duhan” me +2,1 pikë përqindje”, thuhet në raportin e INSTAT.

Edhe si 8-mujorin energjia ka pasur kontributin më të madh në shtimin e vlerës së importeve.

“Si tetë-mujor, importet janë rritur me 24,8 %, krahasuar me tetë-mujorin e parë 2021. Grupet që kanë ndikuar pozitivisht në rritjen vjetore të importeve, janë: “Minerale, lëndë djegëse dhe energji elektrike” me +11,6 pikë përqindje, “Materiale ndërtimi dhe metale” me +4,2 pikë përqindje dhe “ Ushqime, pije, duhan” me +3,5 pikë përqindje”, vijon më tej raporti.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mendoni se vendosja e fashës 800 kWh do të sjellë kursim të energjisë?



×

Lajmi i fundit

Kosova spektakël në Ligën e Kombeve, mund 5-1 Qipron! ‘Dardanët’ e mbyllin të dytët grupin c2, shkëlqen Vedat Muriqi

Kosova spektakël në Ligën e Kombeve, mund 5-1 Qipron! ‘Dardanët’ e mbyllin të dytët grupin c2, shkëlqen Vedat Muriqi