Çmimi Nobel në Kimi iu jepet dy shkencëtarëve, krijuan një mënyrë të re për të bërë molekula

Çmimi Nobel në Kimi për vitin 2021 iu është dhënë dy shkencëtarëve për punën e tyre në ndërtimin e molekulave që janë imazhe pasqyre të njëri -tjetrit. Benjamin List i lindur në Gjermani dhe David MacMillan i lindur në Skoci u shpallën fitues.

Ata morën çmimin për “zhvillimin një mjeti të ri të saktë për ndërtimin molekular, të quajtur "organokatalizë”. Teknika, e quajtur organokataliza asimetrike, e ka bërë shumë më të lehtë prodhimin e molekulave asimetrike. Këto janë kimikate që ekzistojnë në dy versione, ku njëra është pasqyrë e tjetrës. Kimistët shpesh duan vetëm një nga këto imazhe pasqyre, veçanërisht kur prodhojnë ilaçe, por ka qenë e vështirë të gjesh metoda efikase për ta bërë këtë.

“Shumë fusha kërkimore dhe industri varen nga aftësia e kimistëve për të ndërtuar molekula që mund të formojnë materiale elastike dhe të qëndrueshme, të ruajnë energji në bateri ose të pengojnë përparimin e sëmundjeve. Kjo punë kërkon katalizatorë, të cilët janë substanca që kontrollojnë dhe përshpejtojnë reaksionet kimike, pa u bërë pjesë e produktit përfundimtar”, tha Akademia Mbretërore Suedeze e Shkencave në një deklaratë.

LEXO EDHE:
Narges Mohammadi, aktivistja iraniane për të drejta e grave fiton Çmimin Nobel për Paqe! Aktualisht ndodhet në burg

Ndërkohë ditën e djeshme është çmimi Nobel në Fizikë për 2021 u është dhënë 3 shkencëtarëve që kanë studiuar ndryshimet klimatike. Ato janë Syukuro Manabe nga Princeton nga SHBA, Klaus Hasselmann Max Planck nga Hamburg, Gjermani dhe Giorgio Parisi nga Sapienza i Romës në Itali.

Ndërsa dy ditë më parë u dha çmimi Nobel në Mjekësi që u fitua nga dy shkencëtarët amerikane David Julius dhe Ardem Patapoutian, për zbulimin e receptorëve për temperaturën dhe prekjen. Sipas Akademisë së Nobelit shpikja e tyre është thelbësore për mbijetesën dhe mbështet ndërveprimin tonë me botën përreth.

Fituesit e çmimit Nobel në Kimi 

SI.E./Shqiptarja.com

TAG:
• cmimi nobel
• cmimi nobel ne kimi