POP 5

Lajmet më të lexuara të 5 minutave të fundit

Kultura

Çmimi “Nobel” në letërsi, dy herë për vitin 2019, Akademia e Shkencave propozon emrin e Ismail Kadaresë

Akademia Mbretërore e Suedisë ka konfirmuar zyrtarisht se për vitin 2019 do të dorëzohen dy çmime “Nobel” në Letërsi. Pretendentët kryesorë do të shpallen në vjeshtë. Ndërsa, Akademia e Shkencave të Shqipërisë propozon emrin e shkrimtarit të njohur Ismail Kadare

Këtë vit do të jepen dy çmime “Nobel” në letërsi, për të kompensuar çmimin e vitit 2018. Nobeli vitin e kaluar nuk u dha, për herë parë që nga viti 1949, për shkak se Akademia Suedeze, institucioni më i rëndësishëm që zgjedh fituesin u përfshi në një skandal të pahijshëm seksual.

Këtë të martë, pas një takimi që është zhvilluar, Fondacioni Nobel, i cili realizon vullnetin e Alfred Nobelit, ka njoftuar se Akademia Suedeze synon që të rivendos besimin. Ndërsa, kandidatët për vitin 2018 dhe vitin 2019 do të shpallen gjatë vjeshtës, duke kompensuar kështu edhe çmimin e vitit të kaluar.

Fituesi i çmimit Nobel në Letërsi për vitin 2017 ishte shkrimtarin anglez Kazuo Ishiguro.

Kazuo Ishiguro

Ndërsa, Akademia e Shkencave të Shqipërisë ka propozuar kandidaturën e shkrimtarit dhe akademikut Ismail Kadare, Akademisë Mbretërore të Suedisë, që ta nominojë për çmimin “Nobel” në letërsi.

Akademia e Shkencave ka rikonfirmuar këtë propozim, duke shtuar argumentin arsyetues se: “Kurrë nuk është vonë që, sipas së drejtës cesariane, merita e shpërblyer të shkojë tek i merituari”.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të lejohet mjeku të punojë njëkohësisht në spital publik e privat?

Lajme të tjera



×

Lajmi i fundit

Pamjet satelitore tregojnë se si Kina po zgjeron bazat e përgjimit në Kubë

Pamjet satelitore tregojnë se si Kina po zgjeron bazat e përgjimit në Kubë

3 Korrik, 14:07