POP 5

Lajmet më të lexuara të 5 minutave të fundit

Bota

‘Comedian’, banania e ngjitur në mur shitet 6.2 milionë dollarë në një ankand në New York

Oferta fituese u bë përmes telefonit nga nënkryetari i Sotheby’s për Azinë, në emër të Justin Sun, një koleksionist kinez dhe themelues i platformës së kriptomonedhave Tron, i cili ka deklaruar se ka ndërmend ta hajë bananen në ditët e ardhshme.

‘Comedian’, banania e ngjitur në mur shitet 6.2 milionë dollarë në një ankand në New York

Comedian

Vepra më e famshme dhe më e diskutuar e artistit Maurizio Cattelan, Comedian, e cila përbëhet nga një banane e ngjitur në mur me shirit ngjitës, u shit mbrëmë në ankandin e organizuar nga Sotheby’s në New York për plot 6.2 milionë dollarë, duke përfshirë dhe komisionet.

Shtëpia e ankandeve e kishte vlerësuar këtë instalacion provokues midis 1 dhe 1.5 milionë dollarësh.

Bananja e verdhë më e shtrenjtë në botë u bë një nga objektet më të lakmuara në sallën e shitjeve të Sotheby’s në Manhattan, ku shtatë ofertues garuan për ta blerë këtë vepër provokuese të artistit 64-vjeçar nga Padova.

Oferta fituese u bë përmes telefonit nga nënkryetari i Sotheby’s për Azinë, në emër të Justin Sun, një koleksionist kinez dhe themelues i platformës së kriptomonedhave Tron, i cili ka deklaruar se ka ndërmend ta hajë bananen në ditët e ardhshme.

Comedian u bë sensacion në rrjetet sociale kur u prezantua për herë të parë në vitin 2019 dhe u shit për 120 mijë dollarë nga galeria Perrotin gjatë panairit të artit Art Basel Miami Beach.

Brenda një kohe të shkurtër, ajo u bë virale, duke nxitur debate të zjarrta, polemika të shumta dhe duke tërhequr vëmendjen e miliona njerëzve në mbarë botën.

Në atë kohë, turmat që u mblodhën për ta parë në panair ishin aq të mëdha sa organizatorët u detyruan ta heqin nga ekspozita.

Bananja u ngrën jo vetëm një herë, por dy herë, duke dominuar mediat në mbarë botën. Bananja e ekspozuar në atë kohë në Florida ishte blerë nga Cattelan në një supermarket lokal për disa qindarka.

Kopja e shitur për 6.2 milionë dollarë është numri 2 nga një edicion prej 3 kopjesh dhe 2 provash artistike. Një nga këto kopje ndodhet aktualisht në Muzeun Solomon R. Guggenheim në New York, e dhuruar nga një koleksionist anonim.

Blerësi i veprës do të marrë një certifikatë autenticiteti dhe udhëzime të sakta për instalimin e saj./ La Repubblica

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Shqiptari që ka ‘tërbuar’ Anglinë! ‘Daily Mail’: Jeta e të dënuarit për trafik njerëzish, që i kalon ditët duke luajtur golf dhe kryen më shumë krime

Shqiptari që ka ‘tërbuar’ Anglinë! ‘Daily Mail’: Jeta e të dënuarit për trafik njerëzish, që i kalon ditët duke luajtur golf dhe kryen më shumë krime

19 Janar, 22:58