POP 5

Lajmet më të lexuara të 5 minutave të fundit

Kronikë

Çomo ngre alarmin: Kemi shtim të moshave të reja, vijnë persona nga 30-45 vjeç në gjendje të rëndë

Shefja e spitalit Infektiv Najda Çomo ka ngritur alarmin duke theksuar se për personat e shtruar në spitale është ulur grupmosha e prekur në moshë të re.

Çomo ngre alarmin: Kemi shtim të moshave të reja, vijnë persona nga 30-45 vjeç në gjendje të rëndë

Najada Çomo

Një ditë më parë janë shënuar shifra rekord të rasteve të reja, 1052 të infektuar ndërsa ndërruan jetë 14 pacientë.

Shefja e spitalit Infektiv Najda Çomo theksoi se është rritur shifra e moshave të reja që kanë nevojë për trajtim spitalor për shkak të koronavirusit.

Çomo tha në një intervistë për Top Channel se ka një trend të prekjes së moshave 30 apo 45 vjeçare dhe vijnë në situatë të rënduar nga ana shëndetësore.

 “Është e vërtetë që kemi një shtim të numrave të shtruar në spitalet Covid. Kemi numër të shtuar të të infektuarve. Shtrimet janë në shifër dinamike, por ajo çka unë do të tërhiqja vëmendje në lidhje me personat e shtruar që është ulur grupmosha e prekur e shtruar në spital. Pra kemi një trend të prekjes së moshave 30 apo 45 vjeçare dhe vijnë në situatë të rënduar nga ana shëndetësore. Nuk kemi ndryshim të sjelljeve të virusit, por shtim të moshave të prekur në moshë më të re.

Është mosha e re që ka kontakt më të shumtë me njëri-tjetrin dhe mbeten  burim i madh infeksioni për veten dhe të tjerët. Shifra tani që flasim është dinamike. Dikush po del, dikush po shtrohet, dikush po pret të bëjë analiza. Për të mos hapur panik, kemi shtretër të lirë, por të mos gëzojmë shtretërit e lirë, por mbajtjen e maskës dhe ruajtjen e distancës fizike”, u shpreh Çomo.

Një ditë më parë shifrat e personave të prekur me Covid-19 në vendin tonë ishin shumë të larta, ku u shënuan 1052 raste të reja, ndërkohë që edhe numri i pacientëve të shtruar në spitale është në rritje.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Era: 05/02/2021 17:07

    Nuk prish punë. Dhe pak do fitojmë imunitet. Kursejnë dhe lekët e vaksinës.Rëndësi ka që lokalet dhe partitë të zhvillojnë aktivitetet e tyre.

    Përgjigju
  • edm: 05/02/2021 16:42

    mbyll TEGUN per fund-jave dhe do uken rastet ne minimum , ket se ben dor rri aty fito naj lek hahhah

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Lufta/ Netanyahu gati të tërheqë 320 mijë rezervistë! 20 të vrarë dhe dhjetëra të plagosur në Bejrut

Lufta/ Netanyahu gati të tërheqë 320 mijë rezervistë! 20 të vrarë dhe dhjetëra të plagosur në Bejrut

24 Nëntor, 07:55