Receta

Çorba e Hasit me miell misri, kos dhe të brendshme nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 13 Mars, 12:46 | Përditesimi: 13 Mars, 12:48

Çorba e Hasit me miell misri, kos dhe të brendshme

Përbërësit:

300 gr miell misri
4 lugë vaj ulliri
250 - 300 gr të brendshme qengji
2 gota kos
1 thelpi hudhër
1 lugë çaji kripë

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Të brendshmet e qengjit i lajmë mirë me ujë të rrjedhshëm dhe i lëmë të ziejnë. Në një enë tjetër shtojmë vajin e ullirit, hedhim miellin e misrit dhe e trazojmë derisa mielli të marrë ngjyrë të kuqërremtë. Më pas shtojmë hudhrën e shtypur dhe lëngun që kemi përftuar gjatë zierjes së të brendshmeve dhe vazhdojmë trazimin derisa masa të marrë trajtën e supës. E lëmë çorbën të zjejë për rreth 10 minuta, më pas shtojmë të brendshmet e ziera të prera në copëza të vogla. I lëmë të ziejnë edhe për 2-3 minuta dhe e heqim enën nga zjarri duke shtuar në fund kosin.

MC/Shqiptarja.com

TAG: