Coronavirusi, Agjensia Europiane e Barnave: Vaksina mund të jetë gati brenda një viti

Coronavirusi, Agjensia Europiane e Barnave: Vaksina mund të jetë gati brenda një viti

‘Një vaksinë që do të luftojë koronavirusin mund të jetë e gatshme brenda një viti’, - kështu është shprehur Agjensia Evropiane e Barnave, duke e quajtur atë një skenar "optimist".

Marco Cavaleri, menaxher i Ema për kërcënimet biologjike për shëndetin dhe strategjinë e vaksinave, shpjegoi se "nëse gjithçka ecën siç është planifikuar, vaksina mund të jetë gati për miratim brenda një viti për të nisur vaksinimin e gjithë popullisë në botë".

Një vaksinë tjetër eksperimentale e koronavirusit që sapo ka hyrë në fazën e provave njerëzore në Gjermani, mund të jetë e disponueshme në shumë miliona doza deri në fund të vitit 2020

Kompania e bioteknologjisë BioNTech, prodhuesi gjerman i vaksinës, është partnerizuar me gjigantin amerikan Pfizer për të shpërndarë një vaksinë të mundshme efektive, eksperimentalja e së cilës  tani ka nisur të testohet në Gjermani te mbi 200 vullnetarë midis moshës 18 deri 55 vjeç

Ndërkohë kompania amerikane ‘Moderna’ ka nisur fazën e dytë të testimeve për vaksinën e Covid-19 e cila do të kryet te më shumë se 600 vullnetarë dhe është duke përfunduar protokollin për fillimin e fazës së tretë e cila mendohet se do të nis gjatë muajve të verës.

Vaksina, mRNA-1273, ishte vaksina e parë që filloi provat klinike në Shtetet e Bashkuara.

Më 16 mars kompania ‘Moderna Therapeutics’ kreu testin e parë te një grup prej 45 vullnetarësh në ambientet e institutit kërkimor Kaiser Permanente, në Seattle.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Dy humbjet në miqësore, Kombëtarja humbet pozicione në FIFA! Rivalët e Euro 2024 në 'top 10'

Dy humbjet në miqësore, Kombëtarja humbet pozicione në FIFA! Rivalët e Euro 2024 në 'top 10'