COVID-19, arrin edhe në majën më të lartë në botë, infektohen alpinistët

COVID-19, arrin edhe në majën më të lartë në botë, infektohen alpinistët

Prej më shumë se një viti COVID-19 është përhapur pothuajse në çdo pjesë të globit, duke marrë jetën e mbi 3 milion personave dhe duke infektuar më shumë se 143 milionë.

Mjekët kanë konfirmuar rastet e para me COVID-19 në Malin Everest pas vendimit për të rihapur majën më të lartë në botë për alpinistët e huaj.

I pari alpinist i konfirmuar pozitiv është alpinisti norvegjez Erlend Ness, i cili u transferua më pas në Spitalin CIWEC në kryeqytetin e Nepalit, Kathmandu, ku ai qëndroi për 8 ditë dhe aktualisht ka lënë spitalin.

Pjesa tjetër e ekipit të ekspeditës së alpinistit menjëherë filloi karantinën në Base Camp pas testit pozitiv.

Qindra alpinistë të huaj pritet të provojnë ngjitjen në Everest, pas disa muajsh kur ishin totalisht të mbyllur, ku ditët e para janë lëshuar 371 leje ngjitjeje.

Përveç të ardhurave nga turizmi, Nepali fiton mbi 4 milion dollarë (3.1 milion £) duke lejuar që qytetarët të ngjiten në Everest çdo vit.

Të gjithë udhëtarët që hyjnë në Nepal duhet të paraqesin një test negativ të COVID-19, të marrë brenda 72 orëve nga fluturimi i tyre i parë.

Pasagjerët nga qarqet me variante të reja Covid do t'i nënshtrohen 10 ditëve shtesë të karantinës në hotel.

Nepali ka raportuar 292,152 raste COVID-19 dhe 3,117 vdekje të lidhura me virusin që nga fillimi i pandemisë, sipas të dhënave të mbledhura nga Universiteti Johns Hopkins.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Në Angli janë të sigurt, Armando Broja nuk largohet nga Chelsea

Në Angli janë të sigurt, Armando Broja nuk largohet nga Chelsea