COVID-19 'detyroi' bizneset e turizmit të ulin pagat e punonjësve me 24 %! Në kulmin e sezonit turistik shitjet e agjencive ranë me 56.9%

Turizmi vijon të jetë një nga sektorët më të prekur nga pandemia COVID-19. Edhe pse nuk ka shifra zyrtare me dhjetëra biznese të këtij sektori, hotele, restorante dhe agjenci turistike kanë ulur qepenat. Ndërsa subjektet që ende vijojnë aktivitetin e tyre po përballen me mungesë shitjesh, dhe për pasojë INSTAT raporton se kanë ulur numrin e të punësuarve dhe nivelin e pagave. Grupi i hoteleve ka ulur pagat e punonjësve me 25.7%, dhe numrin e të punësuarve me 27, pasi edhe volumi i tyre i shitjeve është tkurrur me 34.4%, krahasuar me tremujorin e tretë të 2019.

Sektori i dytë me uljen më të lartë të pagave janë agjencitë e udhëtimeve. Në tremujorin e tretë të këtij viti që përkon me muajit e sezonit turistik korrik-shtator shitjet e këtyre bizneseve kanë rënë me 56.9%, ndërsa numri i të punësuarve dhe i pagave është ulur me 26.8% dhe 23.6%.

Pas këtij grupi vijnë baret dhe restorantet që kanë ulur pagat  e punonjësve me 22.8%, ndërsa shitjet dhe numri i të punësuarve është tkurrur me më shumë se 24%. Ndërsa sektori i dytë më i goditur nga pandemia është transportit të cilit i kanë rënë shitjet me 37.2% , ndërsa pagat janë ulur në tremujorin e tretë me 15%.

Nga ana tjetër të punësuarit në sektorin e ndërtimit, të energjisë elektrike, të furnizimit me uji  dhe tek tregtia me shumicë dhe pakicë, riparimi i automjeteve dhe motoçikletave kanë pasur rritje të pagave në këtë periudhë të vitit krahasuar me një vit më parë.

/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

SPAK sekuestron pasuritë e dy ortakëve të Evis Berberit

SPAK sekuestron pasuritë e dy ortakëve të Evis Berberit