Pandemia COVID-19, ka ndikuar negativisht në sektorin e prodhimit të naftës. Sipas të dhënave të Ministrisë së Infrastrukturës, tejmbushja e fuçive me naftë, ulja e çmimit dhe mungesa e konsumit, bllokoi gjithë industrinë.
Të ardhurat e munguara në buxhetin e shtetit vetëm nga bllokimi i industrisë nxjerrëse të naftës, si dhe mungesa e konsumit, arrijnë në 2.5 miliardë lekë. Drejtori i Hidrokarbureve Ilia Gjermani në mbledhjen e Task-Forcës së zhvilluar në Ministrinë e Infrastrukturës, tha se rënia e çmimit në bursa, dhe rënia e kërkesës për konsum gjatë kohës së pandemisë, goditën ndjeshëm aktivitetin prodhues.
“Vërehen dy fenomene negative në sektorin e hidrokarbureve. E para kemi rënie të theksuar të çmimit të naftës duke arritur në vlera historike të ulura. Në 15 e dytë të muajit prill çmimi i naftës arriti në 15 dollar fuçia, nga mbi 55 dollar në fillim të pandemisë, dhe përveç kësaj tregu u ballafaqua me rënie të kërkesës konsumatore për burimet energjetike hidrokarbure, kryesisht në sektorin e transportit të industrisë. Kjo çoi në bllokim të aktivitetit të nxjerrjes së naftës, pasi kapacitet e naftës në vend ishin të tejmbushura për shkak të uljes drastike të kërkesës deri në 25%, nga një situatë normale. Bankers prodhon rreth 1500 ton, nga 2000 ton që është prodhimi mesatar vjetor. Albpetroli sot prodhon pak më pak se gjysma e kapacitetit të prodhimit të programuar. Kjo situatë çoi në reduktim të ndjeshëm në të ardhurat e buxhetit të shtetit, vetëm për këtë periudhë të ardhurat në buxhetin e shtetit u reduktuan me 2.5 miliardë lekë, për shkak të uljes së prodhimit të naftës bruto dhe ulje të konsumit të nënprodukteve të saj”, shprehet Gjermani.
Pjesë e taks forcës është edhe drejtoria e Përgjithshme e Doganave, ku zëvendësdrejtori Ylber Karanxha, shtoi se të ardhurat e doganës si pasojë e kësaj pandemie u reduktuan me 2.3 miliardë lekë.
“Drejtoria e Përgjithshme e Doganave u përball me mungesë të theksuar të ardhurash nga sektori i hidrokarbureve, dhe mungesa në të ardhura është 2.3 miliardë lekë. Situata ndikoi në rënie të konsumit, vetëm për periudhën mars-prill kemi eksportuar rreth 24 mijë ton më pak se në vitin e kaluar, ndërsa në muajin shkurt eksportet ishin 6 ton më shumë se në vitin 2019. Të ardhurat nga akciza u ulën me 1 miliardë lekë, nga TVSH-ja me 600 milionë lekë, nga rënia e çmimit me -500 dhe nga renta minerare me 180 milionë”, tha Karanxha.
Ndërkohë Ministrja e Infrastrukturës Belinda Balluku tha se sektori i naftës ka qenë më i godituri edhe pse situata është përmirësuar.
“Sektori i naftës është më i godituri, dhe të gjithë aktorët sot ndodhen para një situate të vështirë. Ajo që po përpiqemi të menaxhojmë është mbarëvajtja e sektorit, duke nisur nga momenti i nxjerrjes së naftës nga nëntoka dhe deri tek përdoruesi final”, tha Balluku.
Gjatë kohës së pandemisë nafta njohu rënien më të thellë të çmimit pasi nafta bruto arriti të shitej me çmim poshtë zeros. Më 20 prill një fuçi nafte u shit me -40 dollar. Kjo do të thotë që një anije, e cila bleu 20.000 fuçi naftë, në vend që të paguante, u pagua nga shitësi me 140.000 dollarë.
VIDEO/Mbledhja online e Task Forces
Lajme të tjera
-
Skandali me shit-blerjen e energjisë elektrike, Bardhi: Shqipëria e paguan me 11,1 euro, Kosova me 7,4 euro! Abuzime kriminale, Balluku përgjegjëse, SPAK të hetojë
15 Nëntor, 17:40 -
Shqipëria dhe Emiratet e Bashkuara marrëveshje për krijimin e kompanisë së përbashkët të prodhimit të energjisë! Investime në vendin tonë dhe rajon
12 Nëntor, 14:22 -
Debate të forta te Ekonomia, Spaho akuza Ballukut: Keni vjedhur miliona me Thumanë-Kashar dhe tek ‘Tuneli i Llogarasë’! I përgjigjet zv/kryeministrja
8 Nëntor, 12:27 -
Bardhi akuza zv.kryeministres: Mjafton të shohim si vishej Belinda Balluku para 5 vitesh dhe se sa kushton veshja e saj sot! Je betuar për mirëqenie qytetarësh, jo të vetes
7 Nëntor, 15:51 -
Më 31 dhjetor hapet plotësisht Unaza e Madhe! Bypass i Tiranës 'peng' i negociatave me BE
6 Nëntor, 15:21
-
Berisha denoncon punimet në Unazën e Madhe: Lubi Balluku e ndau në 14 lote për të vjedhur! Ndërtojnë me çmime 10-fish më të larta se Kroacia! Të bëjmë betejë për minimumin jetik 200 euro
4 Nëntor, 13:29 -
Denoncimi PD: Skemë ‘5D’ edhe te ministria e Belinda Ballukut! Kompania e të afërmve të Blendian Dalipit, tenderë publikë
1 Nëntor, 14:48 -
'Dëmi 180 milionë euro për 1 vit' Gazment Bardhi publikon dokumente me firmën e vulën e ministres Belinda Balluku: Shmangu Bursën e Energjisë për të favorizuar 4 kompani private
25 Tetor, 17:51 -
‘Tetori rozë’, Koçiu dhe Balluku apel grave: Parandalimi përmes depistimit shumë më efikas se kurimi, kontrolle falas pa sistem referimi
21 Tetor, 13:34 -
PD padit sërish në SPAK Belinda Ballukun! Bardhi: Shit-blerje energjie në mënyrë të paligjshme, për 1 vit grabiti rreth 180 mln euro
18 Tetor, 11:44 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Protesta para bashkisë, opozita: SPAK duhet të hetojë Belinda Ballukun, menaxhon 75% të buxhetit
25 Shtator, 12:23
