Duke nisur nga viti i ardhshëm, SHBA do të dhurojë 500 milionë doza të tjera të vaksinës Pfizer për vendet në zhvillim. Lajmi u bë me dije nga presidenti Joe Biden gjatë një samiti virtual të mbledhur në kuadër të pandemisë së Covid-19, pas Asamblesë së Përgjithshme të OKB-së.
Ekspertët thonë se duhen rreth 11 miliardë doza për të vaksinuar të paktën 70% të popullsisë në të gjithë botën. Ndërkohë që Organizata Botërore e Shëndetësisë (OBSH) ka vendosur një objektiv që deri në fund të vitit 2021, do sigurojë 40% të vaksinave për çdo vend. Me shumë mundësi, ky objektiv nuk do të realizohet dot.
Sipas të dhënave nga Universiteti i Oksfordit, shumë vende me të ardhura të larta deri më tani kanë vaksinuar me një dozë të vaksinës më shumë se gjysmës së popullsisë, ndërsa vetëm 2% e qytetarëve në vendet me të ardhura të ulëta kanë marrë dozën e parë.
Samiti i Shtëpisë së Bardhë për COVID vjen pasi hulumtimet tregojnë se vendet e pasura kanë në dispozicion më shumë vaksina nga sa i nevojiten, duke krijuar kështu një disbalancë me vendet e varfra.
Në qershor, vendet anëtare të G7, Kanadaja, Franca, Gjermania, Italia, Japonia, Britania e Madhe dhe SHBA, u zotuan të dhurojnë një miliard doza vaksinash për vendet e varfra gjatë vitit të ardhshëm. Presidenti Biden premtoi 580 milionë në atë kohë, nga të cilat SHBA ka dhënë vetëm 160 milionë deri më tani.
Vaksinat e dhuruara kalojnë përmes mekanizmit Covax, skemës globale të mbështetur nga OBSH. Covax blen dhe më pas shet vaksina me kosto të ulët për vendet me të ardhura të mesme dhe dhuron për vendet e varfra.
Në SHBA, ku më shumë se 76% e të rriturve kanë marrë të paktën një dozë të vaksinës, kritikat se vendi po bën shumë pak për të ndihmuar pjesën tjetër të botës janë rritur.
Të Premten, Administratën Amerikane e Ushqimit dhe Barnave (FDA) rekomandoi dozat e treta të vaksinës Pfizer për qytetarët mbi 65 vjeç. Por, OBSH u ka bërë thirrje vendeve të pasura që të mos japin dozat e treta të vaksinës, deri në një moment kur edhe vendet e varfra të kenë vaksina në dispozicion.
Lajme të tjera
-
E ardhmja e NATO-s dhe qëndrimet e Trump
24 Nëntor, 17:30 -
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50
