X

POP 5

Lajmet më të lexuara të 5 minutave të fundit

Ekonomi

COVID-19 pengon turizmin, INSTAT: 28.2 % të huaj më pak në janar-shkurt 2021se një vit më parë

Edhe në muajin shkurt numri i shtetasve të huaj që ka hyrë në Shqipëri për qëllime turistike ishte në rënie. Sipas INSTAT në dy muajit e parë të vitit në vend kanë hyrë 28.2% shtetas të huaj më pak se një viti më parë.

Turizmi vijon të jetë nën pushtetin e virusit COVID-19, ku si pasojë e masave shtrënguese të diktuara prej tij, numri i lëvizjeve është tkurrur. Vetëm në muajin shkurt kanë hyrë në vend 70,768 të huaj më pak, dhe rënia më e madhe është konstatuar me Greqinë, Anglinë dhe Spanjën, ndërkohë vijojnë hyrjet nga shtetasit kosovarë të cilët në asnjë muaji të vitit nuk e kanë braktisur shtetin tonë.

Sipas të dhënave të INSTAT në dy muajit e parë të vitit kanë hyrë në territorin shqiptar 343.502 persona me një rënie me 28.2% krahasuar me të njëjtën periudhë të një viti më parë. Ndërsa në muajin shkurt erdhën 158.173 shtetas të huaj duke u tkurrur me 30,9 % me shkurtin e 2020.

Gjatë dymujorit të parë të 2021, ndër vendet që kanë hyrjet më të larta të shtetasve në Shqipëri, Zvicra ka pasur rritjen më të madhe me 24,5 % dhe Kosova me 9,8 %, ndërsa uljen më të ndjeshme e ka pasur Greqia me 87,3 % dhe Anglia me 74,7 %, krahasuar me të njëjtën periudhë të vitit 2020. Operatorët turistik thonë se shpresa e tyre për përmirësim është pas muajit maj, kur edhe procesi i vaksinimit të jetë më i përhapur në botë.

Nga ana tjetër sipas të dhënave të publikuara vetëm pak ditë më parë në vitin 2020, pandemia COVID-19, përgjysmoi shitjet e agjencive turistike, të cilat konkretisht kanë rënë me 54.05%. Dëm është shkaktuar edhe tek hotelet të cilët në mungesë të klientëve kanë ulur me mbi 25% të punësuarit dhe kanë reduktuar pagat.

Si një nga kategoritë më të prekura nga virusi dhe masat shtrënguese, baret dhe restorantet në vitin e kaluar kanë shitur 25.9%, ulur pagat me 23.8% dhe numrin e të punësuarve me 22.7%.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Gjermani, arrestohet ndihmësi i një eurodeputeti, dyshohet se spiunoi për Kinën

Gjermani, arrestohet ndihmësi i një eurodeputeti, dyshohet se spiunoi për Kinën

23 Prill, 17:54