POP 5

Lajmet më të lexuara të 5 minutave të fundit

Kronikë

Qeveria blen 8 ton materiale mbrojtëse, syze, maska e helmeta për stafin mjekësor! Manastirliu: Siguria e tyre, përparësia jonë (VIDEO)

Qeveria ka vijuar të blejë materiale mbrojtëse për personelin mjekësor që po përballen me vijën e parë të frontit të luftës me COVID-19. Gjatë ditës së sotme kanë mbërritur në doganë 8 ton mjete të mbrojtjes personale për stafet mjekësore.

Qeveria ka vijuar të blejë materiale mbrojtëse për personelin mjekësor që po përballen me vijën e parë të frontit të luftës me COVID-19. Gjatë ditës së sotme kanë mbërritur në doganë 8 ton mjete të mbrojtjes personale për stafet mjekësore. Kjo sasi e re vjen pas dy furnizimeve të para të porositura nga qeveria shqiptare, prej 15 ton, të cilat kanë mbërritur më herët në vendin tonë.

Mbërritja e materialeve mbrojtëse është inspektuar nga Ministrja e Shëndetësisë dhe Mbrojtjes Sociale, Ogerta Manastirliu, e cila tha se përparësi e qeverisë është mbrojtja e bluzave të bardha.

“Vijojmë me furnizimin në vazhdim me materialet mbrojtëse personale për mjekët, infermierët, epidemiologët, strukturën e Urgjencës Kombëtare kudo në vend. Ka qenë dhe do të mbetet përparësi mbrojtja e mjekëve, infermierëve, atyre që janë në vijën e parë të zjarrit, në luftën dhe betejën kundër COVID-19. Janë 8 ton materiale të mbrojtjes personale, duke filluar nga veshjet, nga syzet, maskat dhe helmetat mbrojtëse, të cilat do të vijojnë të furnizojnë spitalet tona, do të vijojnë të furnizojnë qendrën e urgjencës kombëtare, Institutin e Shëndetit Publik, gjithashtu të gjithë njësitë e kujdesit shëndetësor vendor dhe të gjitha ato struktura, ku personeli përballet në betejën dhe në frontin e parë të luftës kundër COVID-19”, tha Manastirliu.

Duke folur për masat e reja, Manastirliu tha se nuk duhet të ulet vigjilenca e qytetarëve pasi lufta nuk ka mbaruar dhe duhet vazhduar me respektimin e masave të vendosura nga qeveria.

“Tashmë është një fazë e dytë e luftës kundër këtij virusi. Është shumë e rëndësishme që në këto momente që do të fillojë edhe një çlirim me pikatore i masave, të tregohemi akoma edhe më shumë vigjilentë, që nga stafet dhe ekipet tona në terren deri tek qytetarët, duke filluar nga distancimi social i cili në asnjë moment nuk do të duhet të neglizhohet, tek higjiena personale, tek dezinfektimi i ambienteve, tek të gjithë elementët e tjerë të cilët synojnë të mbrojnë qytetarët për t’i bërë ballë këtij virusi të rrezikshëm, i cili humbet fuqinë e tij nëse nuk lejohet transmetimi”, apeloi Manastirliu.

I.K/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Qytetari: 13/04/2020 16:29

    @Mira Katundi im eshte 2500 vjeçar dhe mbrohet nga UNESCO si “katund” i veçante. Megjitate kolite e maskave nuk kane te shkruajtur peshen por numrin lol

    Përgjigju
  • Qytetari: 13/04/2020 14:24

    Sa shejtan qe jeni!! Maskat, syzet etj maten me “copë” jo me ton. Sa copë maska kemi blere? Apo eshte me mire te pyesim “sa ton maska ka nevoje personeli mjeksor ne jave?”? Qerratenj

    Përgjigju
    • Mira: 13/04/2020 15:39

      Sa i vemendshem je o qytetari nga katundi. Nuk te shpeton gje

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Çmontohet organizata shqiptare që kontrabandonte drogë nga Belgjika drejt Britanisë, mbi 30 kontrolle banesash dhe disa të arrestuar

Çmontohet organizata shqiptare që kontrabandonte drogë nga Belgjika drejt Britanisë, mbi 30 kontrolle banesash dhe disa të arrestuar

18 Dhjetor, 18:49