POP 5

Lajmet më të lexuara të 5 minutave të fundit

Ekonomi

COVID-i rriti në rekord kërkesën/ INSTAT: 25 mln € ilaçe u importuan në dhjetor

Pandemia ka shtuar kërkesën për ilaçe nëpër farmaci. Sipas të dhënave të INSTAT në muajin dhjetor të vitit të kaluar importi i produkteve farmaceutike ka shënuar nivel rekord, prej 25.1 milionë eurosh. Në farmaci qytetarët kërkojnë më shumë ilaçet që përdoren për trajtimin e COVID-19.

TIRANË- Rritja e numrit të infektimeve në 2 muajit e fundit të 2020, ka sjellë edhe shtim në nivele rekord të kërkesës së qytetarëve për ilaçe të shumëllojshme. Sipas të dhënave të INSTAT, në fund të muajit dhjetor vlera e importeve të produkteve farmaceutike ka arritur në 25.1 milionë euro, nga  20 milionë që janë blerë në të njëjtin muaj të 2019.

Kjo është një rritje rekord e importit të medikamenteve që nga viti 2005 kur janë edhe të dhënat e para të regjistruara nga INSTAT, kohë kur janë importuar 6.5 milionë euro. Edhe pse ndikimin kryesor në këtë rritje që ka arritur kulmin në muajin dhjetor të vitit të shkuar ka dhënë pandemia COVID-19, po ashtu edhe virozat e ndryshme si pasojë e sezonit të dimrit, kanë shtuar kërkesa për shurup apo paketa të ndryshme për kollën.

Sipas informacioneve të marra pranë farmacive dhe mjekëve, qytetarët në këtë periudhë kërkojnë më shumë medikamente të lidhura me pandeminë të tilla si Vitaminë C, antibiotik të ndryshëm dhe barna të tjera që janë në kurën e pacientëve të diagnostikuar me COVID.

Ndër ilaçet që po blejnë më shumë qytetarët janë paracetamol, brufen, Aspirine, Dexametasone, vitaminë C, Zink, dhe vitaminë D por edhe vitaminat e tjera, takipirinë, kortizon, azitromicinë magnezium enalapril, dhe një sërë antibiotikësh të tjerë (zevofloxacin, Cefrnex, Ceftrioxion 1g injeksion, cefepim 1g injeksion, zevofloxacin injeksion).

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Ulet çmimi i energjisë në 8.5 lekë deri në 31 dhjetor 2025, për familjarët që konsumojnë deri në 700 kilovat

Ulet çmimi i energjisë në 8.5 lekë deri në 31 dhjetor 2025, për familjarët që konsumojnë deri në 700 kilovat

8 Janar, 11:14