POP 5

Lajmet më të lexuara të 5 minutave të fundit

Sport

Cristiano Ronaldo: Ky, Evropiani i fundit që luaj! Heroi Costa, vendos rekord në Euro 2024

Cristiano Ronaldo ka njoftuar se ‘ky është Evropiani i fundit që luan’. Ndërkohë portieri Diogo Costa hyri në librin e historisë me 3 penalltitët e pritura.

Cristiano Ronaldo: Ky, Evropiani i fundit që luaj! Heroi Costa, vendos rekord në Euro 2024

Ronaldo dhe portieri i Portugalisë Diogo Costa

Është mbyllur me ‘thrillerin’ e penalltive përballja e 1/8 të Evropianit mes Portugalisë dhe Sllovenisë. Pas 120 minutave me porta të paprekura, në fund ‘ruleta ruse’ nderoi ‘luzitanët’, të cilët prenë biletën e çerekfinaleve me zemër në dorë.

Meritë e jashtëzakonshme e portierit Oblak, i cili në shtesë, ekzaktësisht në minutën e 105 kur koha e rregullt ishte mbyllur 0-0, priti penalltinë e Ronaldos. Një moment që CR7 e përjetoi tej mase, duke shpërthyer edhe në lot. Duke qenë se edhe shtesa nuk pati gola përfaqësueset iu drejtuan penalltive, e para herë në këtë kompeticion. Në këtë moment ishte radha e portierit të Portugalisë, Diogo Costa, për t’u shndërruar në një hero në kuptimin e plotë të fjalët.

Gardiani i cili aktivizohet me Porton priti 3 penallti radhazi, duke vendosur edhe rekord pasi kurrë nuk kishte ndodhur më herët. Duke qenë se Portugalia realizoi 3 të parat, me Ronaldon, Bruno Fernandes dhe Bernardo Silva preu biletën e çerekfinaleve.

Në fund Ronaldo nuk nguroi ti kërkonte falje tifozëve për penalltinë e humbur në shtesë, që për pak i kushtoi eliminimin Portugalisë, ndërsa pas ndeshjes 39-vjeçari njoftoi se ky është Evropianii fundit që luan.

Në çerekfinale Portugalia do përballet me Francën, që më herë eliminoi në 1/8 Belgjikën.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57