Çudit 10-vjeçari finlandez, zbulon defektin e ‘Instagramit’, kompania i jep miliona shpërblim

Shumë kompani teknologjike ofrojnë shpërblime për personat të cilët zbulojnë defekte në sigurinë e përdorimit të rrjeteve sociale. I tillë është edhe rasti i një djali 10-vjeçar, me emrin Jani, nga Finlanda i cili ka gjetur një defekt në rrjetin më të përdorur ‘Instagram’.

Edhe pse ende nuk e ka një llogari në ‘Instagram’ për shkak të moshës së tij të vogël, ai ka mundur të zbulojë një problem të madh. Shpërblimi që ai ka marrë, ka qenë prej 10.000 dollarë.

Vogëlushi finlandez ka zbuluar një problem të rrjetit, i cili i lejonte atij të fshinte çdo lloj komenti të bërë në Instagram.

LEXO EDHE:
Policia finlandeze thotë se bullizmi ishte motiv për sulmin në shkollë

“Mund të eliminoja komentet e cilitdo përdorues, edhe vetë të Justin Bieber”, – u shpreh ai në një intervistë të dhënë për revistën finlandeze “Iltalehti”.

Menjëherë pas këtij zbulimi, Jani dhe familjarët e tij kanë vënë në dijeni Facebook-un (që zotëron Instagram-in) nëpërmjet një email-i.

Madje djaloshi e ka vërtetuar zbulimin e tij duke fshirë një koment të Facebook të bërë nga një profil prove. Menjëherë pas zgjidhjes së problemit erdhi edhe shpërblimi i merituar.

Jani nuk është i pari fëmijë që arrin të futet në programin e shpërblimeve të kompanisë, por për momentin është më i vogli. Deri sot Facebook-u ka paguar në total 4,3 milionë dollarë për rreth 800 kërkues të “rrjedhjeve” të tilla.

TAG:
• instagram
• finlande
• Mark Zuckerberg
• shperblime
• defekte

Sondazhi i ditës:

Partia e Mitsotakis kandidon Fredi Belerin për eurodeputet, si e vlerësoni?

• Pozitive

  12.3%

• Negative

  81.7%

• Nuk e di

  6%

Vota total: 1260

• Sondazhi i ditës:

  Partia e Mitsotakis kandidon Fredi Belerin për eurodeputet, si e vlerësoni?

  Pozitive Negative Nuk e di