Dajti: Oficeri G. B., ka qëlluar
me armë ndaj Kastriot Feskajt

TIRANË - Dritan Dajti ka vazhduar me kërkesat e tij në Gjykatën e Krimeve të Rënda. Gjatë seancës së sotme, i pandehuri për vrasjen e 4 efektivëve të policisë në datën 7 gusht 2009, ka kërkuar një dokument për armën e një oficeri policie me inicialet G. B., që sipas tij, ka qenë i pranishëm në vendin e ngjarjes dhe ka qëlluar me armë.

“Dua dokumentin e marrjes së armatimit të oficerit të policisë me inicialet G.B., për të provuar nëse pistoleta që oficeri ka dorëzuar për ekspertim ka pasur leje apo jo”, tha Dajti në fjalën e tij, gjatë seancës.

Sipas të pandehurit, Dritan Dajti, “oficeri me inicialet G.B., ka pranuar në seancë që ka qëlluar në vendin e ngjarjes, ndërsa ekspertimi i armës së dorëzuar prej tij në prokurori thotë se nuk është qëlluar”.

Gjatë seancës në Gjykatën e Krimeve të Rënda, Dajti ka deklaruar se, “oficeri me inicialet G.B., ka qëlluar me armë në vendin e ngjarjes në shpatull një person me kapuç. Me vonë mesova se ky person me kapuç ishte Kastriot Feskaj”.


(Në foto: Dritan Dajti në seancën e sotme gjyqësore)
 
Redaksia online
(ac/shqiptarja.com)

TAG:
• dritan dajti