I ftuar në emisionin e mëngjesit “Rreze Dielli” në Report TV, me moderatore Androniki Kolka, ishte nutricionisti nga Suedia, Altin Joka i cili foli për hudhrat dhe benefitet ushqimore të saj në organizëm.
”Hudhra ka qenë historikisht e përdorur jo vetëm në mjekësinë popullore, por dhe në atë tradicionale në shumë vende të botës” tha Altini në fillim të bisedës, ndërsa shtoi se në shekullin e XVIII është përdorur nga mjekët për problemet pulmonare dhe azmatike. Lui Paster gjatë kërkimeve të tij, pa se efekti i hudhrës ishte i ngjashëm me penicilinën. ”Hudhra është një ilaç bimor, një antibiotik natyral, antifugal, antiinflamator, antibakterial” shtoi Altini, duke theksuar se sot fëmijët nuk konsumojnë hudhrën si dikur, gjë që nuk është shumë e mirë.
Por çfarë lëndësh ushqyese përmban hudhra dhe pse është kaq e shëndetshme?
“Nga 5200 studime dhe artikuj shkencor që ka sot, të dhënat që kemi ne, flasin për 420 elementë që përmban hudhra në trupin e saj. Konsumi i hudhrës në mënyrë të rregullt, është i lidhur me uljen e 5 shkaqeve të humbjes së jetës sot në botë, që janë: sëmundjet e zemrës, goditjet në tru, kanceri, infeksionet dhe diabeti. Pra, konsumimi i përditshëm është shumë efikas. Hudhra njihet si një produkt antikancerogjen i fuqishëm nga instituti kundër kancerit në Shtetet e Bashkuara” theksoi Altini.
Hudhra përmban aminoacide bazë, esenciale dhe jo esenciale, si Kisteina që detoksifikon trupin, Arginina që mbështet sistemin kardiovaskular, përmban Glutaminën që ruan sistemin e traktit të zorrëve, përmban Metioninën, Sterininën, Treoninën që ndihmon sistemin imunitar për prodhimin e kolagjenit. Përmban gjithashtu Prolinën, që rigjeneron indet e lëkurës, sikurse një grup antioksidantësh, sulfite apo vajra esencial kaq shumë të vlefshme për organizmin, sikurse kalcium, kalium, fosfor, proteina, fibra, etj. Sipas Altinit ne nuk duhet të largohemi nga hudhra, por duhet t’a përdorim si të parët tanë.
Por si ndihmon hudhra më specifikisht? Sipas studimeve është parë që hudhra është një parandaluese e sëmundjeve të zemrës, parandalon dhe lufton sëmundjen e kancerit të stomakut, të zorrës, të ezofagut, pankreasit apo gjirit, sikurse rigjeneron dhe riparon ADN-në.
”54 % e personave që konsumonin hudhër, u pa se kishin një ulje të kancerit të pankreasit” tha Altini, ndërsa shtoi se hudhra është shumë e mirë për presionin e lartë të gjakut, uljen e infeksioneve, ftohjen, artritin, ulje të kolestorelit dhe normalizimin e diabetit.
Studimet thonë se hudhra ndikon dhe tek flokët, pasi e përdorur si xhel ka një efekt shumë të mirë. Hudhra ndikon në jetëgjatësi dhe lufton parazitët e zorrëve. Hudhra ndikon dhe tek infeksionet e veshit, lufton stafilokokun, arteriosklerozën, sikurse goditjet në tru, gjithashtu pastron dhe mëlçinë.
Por cilat janë disa kombinime të hudhrës? Së pari, e mira është që hudhra të konsumohet e freskët, rekomandohet hudhra e papërpunuar.
“Për kolesterolin dhe trigliceridet, është e mira që të konsumohet dy deri në tre thelpinj hudhër në ditë” tha Altini, e kombinuar me uthullën, mjaltin apo specin pikant, është shumë e mirë për kolesterolin. Ai rekomandon përdorimin e hudhrës natyrale, jo pluhur, pasi është më e freskët, pasi hudhra ka vitaminë C dhe kur bëhet pluhur, mund të humbasë vlerat. Sipas Altinit, hudhra duhet shtypur sa futet në gojë, jo të kalohet pa u përtypur duke u shoqëruar me ujë.
Pyetjes së moderatores se si duhet të përzgjedhim hudhrën në treg, Joka i përgjigjet duke thënë “Nëse e nuhasim kokën e hudhrës nuk duhet të vijë erë, po pati erë ka humbur vlerat e saj. Aromat duhet të shpërthejnë pasi ne e qërojmë” këshillon Altini, duke shtuar se duhet të gjejmë variacionet e vendit, jo të importit. Në fund Joka rekomandoi që hudhra të konsumohet 2-3 thelpinj në ditë dhe jo më shumë.
Komente
Lajme të tjera
-
Kujdes! Çdo vendim i kësaj jave ndikim deri në Mars 2025 / Horoskopi javor 2-8 dhjetor nga astrologu Jorgo Pulla
2 Dhjetor, 12:30 -
Dëllinja 'ilaç' për shpirtin dhe shëndetin / Ylli Merja: Ja si ta përdorni mrekullinë kurative të natyrës
25 Nëntor, 16:19 -
Ja ç’do ndodhë në Dhjetor! Lëvizje të forta planetare, Jorgo Pulla paralajmëron shenjat…/ Horoskopi për muajin Dhjetor
25 Nëntor, 15:54 -
Nustricionisti dhe specialisti i Mjeksisë Holistike, Altin Joka: Ndryshimi i stilit të jetës dhe të ushqyerit ju zgjat jetën
24 Nëntor, 13:32 -
Lakra ‘bomba’ që vret sëmundjet, Altin Joka: Magjia e lakrës nëse e përdorim rregullisht/ Disa kombinime për kura specifike
20 Nëntor, 17:00 -
Mjalti, shëruesi i madh i 216 sëmundjeve, Altin Joka: Si të përdoret pa humbur vlerat / Provat e pagabueshme, si të dallojmë mjaltin pa hile
20 Nëntor, 16:33 -
‘Kujdes nga skandalet, çdo gjë shihet me lupë’, Jorgo Pulla paralajmëron… /Horoskopi javor 18-24 nëntor
18 Nëntor, 13:57 -
Ylli Merja prezanton 'frutin magjik' insulinë natyrale e diabetikëve/ Shenjat e hershme të diabetit dhe regjimi ushqimor
11 Nëntor, 16:28 -
Mundësi ideale në punë! Ja shenjat që përfitojnë…/Horoskopi javor 11-17 nëntor nga Jorgo Pulla
11 Nëntor, 13:12 -
Mos i neglizhoni miomat/ 'Mishi i huaj' në mitër, ja si të shpëtoni pa kirurgji me kurën nga Ylli Merja
4 Nëntor, 16:30 -
Ndryshime kolosale këtë javë/ 'Alarm shenjat e ...' Horoskopi 4-10 nëntor nga Jorgo Pulla
4 Nëntor, 13:28 -
Supë me mish qengji nga gazetarja Admirina Peçi
31 Tetor, 11:47
Hudhra perdoret rregullisht nga pianecet dhe bejn gjene e duhur,ndersa grate nuk i perdorin thuajse fare dhe bejn gjene e gabuar.
Përgjigju