POP 5

Lajmet më të lexuara të 5 minutave të fundit

Sociale

Dalin datat, nga 29 korriku maturantët zgjedhin fakultetin, ja si do të bëhet regjistrimi (Procedura)

Dalin datat e aplikimeve për në universitet, ku maturantët do të kenë mundësi të përzgjedhin nga 10 degë në 3 raunde. Raundi i parë do të nisë më datë 29 korrik dhe zgjat deri më 3 korrik. Para se të nisë aplikimi në raunde, maturantët duhet të paguajnë tarifën e aplikimit.

Më datë 29 korrik maturantët nisin  aplikimin online për përzgjedhjen e degëve në universitet. Më 29 korrik starton raundi i parë që do të përfundojë më 3 gusht, ku maturantët kanë mundësinë e aplikimit për 10 degë.

Maturantët fillimisht duhet të shkarkojnë faturën e aplikimit, që më pas duhet derdhur në një nga bankat e nivelit të dytë ose në Postën Shqiptare. Maturantët kanë mundësi ta kryejnë këtë veprim prej datës 3 korrik deri më 28 korrik dhe tarifa e aplikimit kushton 2000 lekë.

 Aplikimet dhe regjistrimet e kandidatëve për në universitete zhvillohen në portalin U-Albania, për maturantët që plotësojnë kriterin e notës mesatare. Pas daljes së rezultateve të aplikimeve në raundin e parë, maturantët kanë mundësi sërish edhe në dy raunde të tjera, ku përsëri do të përzgjedhin nga 10 degë.

Raundi i dytë nis më 19 shtator dhe përfundon më 21 shtator ndërsa raundi i tretë dhe i fundit nis më 12 tetor dhe përfundon më 14 tetor. Kandidatët fitues regjistrohen në portalin U-Albania dhe pranë sekretarisë mësimore që mbulon programin e studimit.

Regjistrimet duhet të realizohen sipas datave dhe parashikimeve të kalendarit të paracaktuar. Në rast të kundërt, regjistrimi do të konsiderohet i pavlefshëm dhe kandidatët nuk do të kenë mundësi të pajisen me numër matrikullimi nga QSHA.

Aplikimet për raundin e parë: 29 korrik – 03 gusht 2020
Aplikimet për raundin e dytë: 19 shtator – 21 shtator 2020
Aplikimet për raundin e tretë: 12 tetor – 14 tetor 2020

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52