TIRANE - Nëse një drejtor shkolle ushtron dhunë seksuale apo fizike ndaj nxënësve të tij apo punonjësve ai menjëherë shkarkohet nga detyra. Në një urdhër të nxjerrë së fundmi nga Drejtoria Arsimore në Tiranë, parashikohen të gjitha rastet kur drejtuesit e shkollave shkarkohen nga detyra, duke filluar që nga rastet e mitmarrjes e deri në rastet kur zhvillojnë kurse private me nxënës të tyre si në ambientet e shkollës ashtu edhe jashtë saj, apo edhe kur rezultatet e të rinjve janë të dobëta për disa vite rresht.