De Biasi me tjetër teori për shortin e Kombëtares: Shqipëria surpriza e madhe e Euro 2024

De Biasi me tjetër teori për shortin e Kombëtares: Shqipëria surpriza e madhe e Euro 2024

Gianni De Biasi

Ish-trajneri që dërgoi kombëtaren shqiptare për herë të parë në Europian, Gianni De Biasi ka folur për Koha në Kosovë, duke thënë se kuqezinjtë do jenë surpriza e madhe e finaleve të "Gjermani 2024".

Paçka se tanët u shortuan në "grupin e ferrit" me Spanjën, Italinë dhe Kroacinë, për italianin që ka një tjetër teori, do ndikojë edhe lodhja. Me ekipin tonë që lojtarët i ka të angazhuar vetëm në kampionate, De Biasi thotë se ekipet e tjera do i kenë lojtarët të lodhur në verë dhe kjo do bëjë që tanët të jenë surprizë.

"Mendoj se shorti është shumë i vështirë dhe grupi është shumë i fortë për Shqipërinë. Shqipëria ka ekip cilësor por mendoj se është e pamundur të krahasohet me Spanjën, Kroacinë dhe Italinë.

Megjithatë në kohën kur mbahet Evropiani, në qershor dhe korrik të vitit të ardhshëm, ndoshta Shqipëria mund të jetë më e freskët se ekipet e tjetra për shkak se vetëm Kristijan Asllani ka gjasa të luajë gjatë në Ligën e Kampionëve me skuadrën e Interit.

Të tjerat përfaqësuese kanë më shumë lojtarë, siç është Spanja që në radhët e veta ka shumë futbollistë të Barcelonës dhe Realit të cilët do të kenë ngarkesa dhe do të shpenzojnë shumë energji deri në fund të edicionit.

Nuk është aspak grup i lehtë për Shqipërinë, por duke pasur parasysh lodhjen dhe ngarkesat e lojtarëve të përfaqësueseve tjera me klubet e tyre, mendoj dhe shpresoj që Shqipëria do te jetë befasia e madhe e këtij grupi", tha De Biasi.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shpërthimi fatal për babë e bir në Lushnje, a keni siguri në vendin tuaj të punës?



×

Lajmi i fundit

Përplasi me makinë 2 të rinj nga Fieri dhe për pak sa nuk përfundoi brenda lokalit në Elbasan, arrestohet shoferi 21 vjeçar

Përplasi me makinë 2 të rinj nga Fieri dhe për pak sa nuk përfundoi brenda lokalit në Elbasan, arrestohet shoferi 21 vjeçar