Kuvendi refuzoi Berishën në grupin e PD, deputetët i kërkojnë ‘llogari’ Bardhit! Kreu i grupit i kalon topin Ramës: Do të na provokojë

Bardhi tha është tentativë e kryeministrit Rama për të provokuar sërish opozitën, refuzimi i Kuvendit për të mos kthyer në grupin e PD-së Sali Berishën.

Këtë deklaratë Bardhi e dha para mediave pas mbledhjes së grupit, në të cilën sipas burimeve deputetët mbështetës të Sali Berishës i shprehën rezerva se shkresa e tij duhej të kishte qenë më e qartë në mënyrë që Kuvendi të mos refuzonte futjen e Berishës në grup.

‘Nuk ka asnjë pengesë në grupin parlamentar. Besoj biem dakord dhe nuk ka nevojë për komente të mëtejshme, ky është grupi parlamentar i Partisë Demokratike që ka kryetar Sali Berishën. Çdo çështje tjetër ku Edi Rama tenton të provokojë opozitën dhe ta fusë gjithë këtë histori në absurditete të paimagjinueshme do të duhet të përballet me pasojat. Por e përsëris, ky është grupi parlamentar i Partisë Demokratike që ka kryetar të partisë Sali Berishën‘, tha Bardhi.

LEXO EDHE:
Sot protesta para bashkisë së Tiranës, policia thirrje organizatorëve: Distancohuni nga dhuna, ose do veprojmë

Për këtë çështje deputetët më të flaktë të Sali Berishës pritet të bëjnë debat me Lindita Nikollën nesër në seancë.

Lajmi kryesor:

Mandati Xhaçkës, Bardhi pas mbledhjes së grupit: Nesër ridepozitojmë kërkesën në Gjykatën Kushtetuese! Kam indinjatë ndaj 4 deputetëve të Bashës

G.K/S.G/Shqiptarja.com

TAG:
• olta xhaçka
• Rithemelimi
• gazment bardhi