POP 5

Lajmet më të lexuara të 5 minutave të fundit

Kultura

Debati në komision/ Zhupa: Mos u bëni ushtarë! Shikoni Butrintin e ndalni Ligjin e Trashëgimisë! Koçi: Kush bën më shumë korrupsion, njerëzit publikë a privatë?

Ka kaluar me debate dëgjesa e projektligjit të deputetes Ina Zhupa, ku kërkon ndryshim të Ligjit të Trashëgimisë, që i la rrugë të lirë dhënies së Butrintit. Zhupa u kërkoi deputetëve të maxhorancës të mos bëhen ushtarë të kryeministrit por të miratojnë ndryshimet, ndërsa Açka tha se arkeologu britanik Richard Hodges ka luajtur një rol antishqiptar.

Që pasuritë e trashëgimisë kulturore të administrohen vetëm nga shteti,  e të ardhurat e siguruara nga to të arkëtohen vetëm në buxhetin e tij, Deputetja e PD-ssë Ina Zhupa ka depozituar në kuvend projektligjin për disa ndryshime në ligjin “Për trashëgiminë kulturore e Muzetë”, të ndryshuar në 2018-ën, që i dha rrugë të lirë dhënies së Butrintit në menaxhim një Fondacioni. Prezantimi i këtij projekligji në Komisionin për Edukimin dhe Mjetet e Informimit Publik, nisi me autokritikë nga ana e Zhupës, për mosankimimin në kohë të tij. Në këto rrethana, nuk mbetet tjetër veçse tentative për të kthyer disa nene të tij.

Me precedentin e rastit të Butrintit, theksoi Zhupa, jo vetëm që është shkelur Konventa e Parisi, por moskundërshtimi i lë rrugën të lirë dhënies së siteve tona të  tjera trashëgimisë privatit. Për më tepër, sipas saj, parë rastin e Butrintit me një përfaqësues të vetëm në bord, shteti  e organet audituese do ta kenë të vështirë të ndjekin ecurinë e menaxhimit.

Ndonëse në pritje të relacioneve të komisioneve të tjera, komisioni përgjegjës i edukimit sot zhvilloi vetëm një seancë dëgjimore, përsëri nuk munguan debatet, jo për dhënien e siteve privatit, por për tonet e ashpra të Zhupës, ndërsa kërkoi miratimin e ndryshimeve nga kolegë të maxhorancës.

Kryetarja e Komisionit, shkrimtarja Flutura Açka, gjatë fjalës së saj, u tërhoqi vëmendjen kolegëve sa i përket Hodges në krye të Bordit të Butrintit, ndërsa literatura e leksionet e tij përmbajnë thënie të forta antishqiptare.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sali Berisha: Do heqim mesataren për pranimin në universitete! Studentët do marrin 200 euro çdo muaj

Sali Berisha: Do heqim mesataren për pranimin në universitete! Studentët do marrin 200 euro çdo muaj

17 Dhjetor, 22:51