Debati për gjykatën/ Gjoni për Report Tv: Anëtaret e Kushtetueses duhet të betohen në Presidencë, jo Kuvend!

Për opozitën parlamentare anëtaret e sapo zgjedhura të Gjykatës Kushtetuese nuk mund të fillojnë detyrën pa bërë betimin te presidenti i Republikës. Deputeti Ralf Gjoni për Report Tv u shpreh se anëtaret e reja kanë mandatet po u nevojitet betimi te presidenti.

Sipas tij, nëse presidenti nuk zgjedh ta ushtrojë këtë kompetencë do të shkaktohet një furtunë në marrëdhëniet mes dy institucioneve parlamentit dhe presidencës. Sipas Gjonit, nëse betimi i anëtareve të Gjykatës Kushtetuese bëhet në Kuvend, do jetë një veprim kundër ligjit.

Një anëtar i ri i Gjykatës Kushtetuese nuk mund të fillojë detyrën pa bërë betimin te presidenti. Kushtetuta parashikon që presidenti ka një rol noterizues, merret e mirëqenë detyra e deputetit për ti thirrur anëtarët e sapo zgjedhur. Është e qartë që pa bërë betimin te presidenti këto anëtare nuk hyjnë dot në zyra.

Nëse presidenti zgjedh të ushtrojë detyrën e tij në një mënyrë të tillë në kundërshtim me kushtetutën ne shkojmë në një përplasje shumë të fortë, do thoja në një ortek kushtetues që do vijë duke u rritur. Mund të bëhet në Kuvend betimi por do jetë në kundërshtim me Kushtetutën.

Për momentin, leximit që unë i bëj Kushtetutës nuk e shoh të mundur që anëtaret e reja të marrin detyrën pa u betuar te presidenti” tha ai.  Opozita parlamentare dhe mazhoranca bashkuan dje votat për zgjedhjen e dy anëtarëve të rinj të Gjykatës Kushtetuese Elsa Toska dhe Fiona Papajorgji.

Kreu i Kuvendit Gramoz Ruçi tha se presidenti nuk është shprehur brenda afatit dhe për këtë arsye, kandidati i parë në listë do të konsiderohet si i miratuar, duke konfirmuar kështu edhe përzgjedhjen automatike të Arta Vorpsit. Bashkë me Vorpsin, Toskën dhe Papajorgjin shkon në 5 anëtarëve i Gjykatës Kushtetuese, por Presidenti ka kundërshtuar procedurën (lexo ketu).

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

'Radio France': Shqipëria, destinacioni turistik në trend dhe i lirë

'Radio France': Shqipëria, destinacioni turistik në trend dhe i lirë