Zona turistike e Thethit është bllokuar nga dëbora që prej shumë ditësh.

Nuk është viti i parë që rrugët bëhen të pakalueshme për shkak të trashësisë së dëborës që arrin mbi 40 centimetra. Banorët të shqetësuar nga heshtja e autoriteteve kanë apeluar që të ndërhyhet për zhbllokimin e rrugëve.

Bashkia e Shkodër ka premtuar se do ndërhyj vetën në pjesën që i takon këtij institucioni ndërsa për pjesën tjetër duhet të angazhohet vetë Bashkia e Malsisë së Madhe.

Banorët të dëshpëruar presin që dëbora të shkrij në të kundërt do ngelen të izoluar duke rrezikuar të mbeten pa ushqime apo ilaçe.

Pastrimi i rrugëve është jetik për secilin prej banorëve në zonën turistike të Thethit.