Deklaratat e Ramës në Elbasan për bashkim me Kosovën vë në lëvizje rajonin, mediat rumune: Harta e Evropës po ndryshon, tërmet dy hapa larg Rumanisë

Deklaratat e Ramës në Elbasan për bashkim me Kosovën vë në lëvizje rajonin, mediat rumune: Harta e Evropës po ndryshon, tërmet dy hapa larg Rumanisë

Harta e Ballkanit

"Tërmet në Ballkan! Harta e Evropës mund të ndryshojë rrënjësisht në rajon, duke ndjekur synimet e dy shteteve, të cilat mund të bashkohen. Kreu i qeverisë së njërit prej vendeve ka njoftuar tashmë qartë se do të votojë pro bashkimit në një referendum të ardhshëm", kështu e nis shkrimin një mediat rumune për deklaratat e bërë së fundmi nga Kryeministri Rama se një ditë Kosova dhe Shqipëria do të bashkohen. Media rumune publikon deklaratat dhe kundërreagimin e  Serbisë.

"Harta e Evropës mund të ndryshojë rrënjësisht! Gjithçka mund të ndodhë afër Rumanisë. Bëhet fjalë për Shqipërinë dhe Kosovën, të cilat mund të bashkohen në të ardhmen. Kryeministri i Shqipërisë Edi Rama thotë se në rast referendumi për bashkimin e dy shteteve do të votonte për Euractiv.com. Kryeministri Edi Rama thotë se nuk e përjashton mbajtjen e një referendumi të tillë për bashkimin e Shqipërisë me Kosovën. Nëse do të bëhej një konsultë e tillë, kreu i qeverisë së Tiranës do të thoshte se do të votonte pro bashkimit. Deklaratat e Edi Ramës janë bërë në mbledhjen e Qeverisë së Shqipërisë dhe Kosovës, e cila u zhvillua në qytetin shqiptar të Elbasanit. Nga ana tjetër, kryeministri i Kosovës Albin Kurti ka deklaruar se nuk e kundërshton mbajtjen e një referendumi të tillë, por thotë se një akt i tillë është pjesë e një procesi që nuk është nën kontrollin e Ekzekutivit që ai drejton. Menjëherë ka ardhur reagimi i Serbisë, e cila gjithsesi nuk e njeh pavarësinë e Kosovës Në mbledhjen ndërqeveritare në Elbasan, Edi Rama dhe Albin Kurti vendosën të heqin de fakto kufirin mes Shqipërisë dhe Kosovës . Gjithashtu, janë nënshkruar marrëveshje të tjera të cilat parashikojnë lehtësimin e kontrolleve për mallrat, heqjen e kontrollit kufitar për automjetet dhe zbatimin e lejeve pesëvjeçare të qëndrimit dhe punës për qytetarët që dëshirojnë të lëvizin në shtetin fqinj", shkruan media rumune.

Sipas saj, Kryeministrja Ana Brnabiç denoncoi menjëherë synimet e Shqipërisë dhe Kosovës, duke thënë se të dy shtetet "po vendosin një gur të ri në minimin e themeleve të stabilitetit dhe sigurisë rajonale.

Në Elbasan më 26 nëntor, në konferecën e përbashkët me Albin Kurtin pas mbledhjes së 2 qeverive Shqipëri-Kosovë, Rama e tha hapur edhe një qëndrim të tijin për të ardhmen e 2 shteteve të një kombi.

"Një ditë Shqipëria dhe Kosova do të bashkohen, nuk di se si dhe se kur por kjo do të ndodhë", tha Rama.

"Jemi si 2 koka e shqiponjës, që shikojnë në kënde të ndryshme, por janë në një trup të vetëm dhe trupi i mban e nuk lejon që të kapet në befasi". Kështu zgjodhi Kryeministri Rama t'i përgjigjej diferencave të thella me Albin Kurtin e Kosovës për projektin 'Ballkani i Hapur', u shpreh Kryeministri. 

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Mero Baze: Marrëveshja e normalizimit” është shans për të normalizuar Lulizm Bashën dhe PD

Mero Baze: Marrëveshja e normalizimit” është shans për të normalizuar Lulizm Bashën dhe PD