Sipas gazetës gjermane "Welt am Sonntag", Kina po shqyrton mundësinë e dërgimit të forcave të saj paqeruajtëse në Ukrainë, duke iu bashkuar të ashtuquajturës "koalicion i të gatshmëve" evropianë, në rast se arrihet një marrëveshje midis Kievit dhe Moskës.
Burime diplomatike evropiane kanë deklaruar se përfshirja e Kinës në këtë koalicion mund të rrisë pranueshmërinë nga ana e Rusisë për praninë e trupave paqeruajtëse në Ukrainë, duke theksuar se kjo është një çështje "delikate".
Nga ana tjetër, Vladimir Putin është "lutur për mikun e tij" kur Donald Trump ishte viktimë e një atentati gjatë fushatës elektorale në korrikun e kaluar.
Lajmin e ka bërë të ditur i dërguari special i presidentit amerikan, Steve Witkoff, i cili ka treguar atë që i ka rrëfyer presidenti rus gjatë takimit të tyre të fundit në Moskë.
Gjithashtu, Witkoff u shpreh i bindur se presidenti ukrainas, Volodymyr Zelensky, nuk do të ketë një mundësi më të mirë për të arritur një marrëveshje paqeje me Moskën sesa ajo që i ofrohet tani nga administrata Trump.
Steve Witkoff
Vladimir Putin është "lutur për mikun e tij" kur Donald Trump ishte viktimë e një atentati gjatë fushatës elektorale në korrikun e kaluar.
Lajmin e ka bërë të ditur i dërguari special i presidentit amerikan, Steve Witkoff, i cili ka treguar atë që i ka rrëfyer presidenti rus gjatë takimit të tyre të fundit në Moskë.
“Kur presidenti u plagos, ai (Putin) shkoi në kishën e tij, takoi priftin e tij dhe u lut për presidentin,” tha Witkoff në një intervistë për Tucker Carlson në Fox News, duke shtuar se Putin "ndien miqësi" për miliarderin amerikan dhe "u lut për mikun e tij". Witkoff e ka treguar këtë histori edhe për Trumpin, i cili, sipas tij, mbeti "qartësisht i prekur".
Gjithashtu, i dërguari special i SHBA-së zbuloi se Putin ka porositur një "portret të bukur" të Trumpit, realizuar nga një artist i njohur rus, dhe ia ka dhuruar ish-presidentit amerikan.
Trump ka shprehur disa herë, madje edhe pas fillimit të pushtimit të Ukrainës, admirimin e tij për presidentin rus, duke e cilësuar atë si “një gjeni” dhe “një lider të fortë”, kujton sot Politico.
Steve Witkoff
Presidenti ukrainas, Volodymyr Zelensky, nuk do të ketë një mundësi më të mirë për të arritur një marrëveshje paqeje me Moskën sesa ajo që i ofrohet tani nga administrata Trump. Kështu ka deklaruar, në një intervistë për Tucker Carlson, i dërguari special i Shtëpisë së Bardhë, Steve Witkoff.
“Besoj se Zelensky po bën më të mirën e tij, mendoj se ai ndodhet në një situatë shumë, shumë të vështirë, por po përballet me një komb bërthamor, si dhe me një vend që ka katër herë popullsinë e tij,” tha Witkoff. “Tani është momenti më i mirë për të që të arrijë një marrëveshje. Presidenti Trump mund t’i sigurojë marrëveshjen më të mirë që ai mund të ketë ndonjëherë.”
Vladimir Putin
Vladimir Putin po ushtron presion mbi ukrainasit në Rusi dhe në territoret e pushtuara në vendin e tyre të origjinës që të marrin – deri më 10 shtator – shtetësinë ruse ose, si alternativë, të zgjedhin të jetojnë diku tjetër.
Kjo thuhet në raportin e fundit të inteligjencës britanike mbi situatën në Ukrainë, i publikuar nga Ministria e Mbrojtjes e Mbretërisë së Bashkuar.
Putin ka nënshkruar një dekret që i detyron qytetarët ukrainas që jetojnë në territoret e pushtuara të "rregullojnë statusin e tyre juridik" deri më 10 shtator, ose të largohen nga zona.
"Dekreti i Putinit ka pothuajse me siguri si qëllim të detyrojë qytetarët ukrainas, të cilët refuzojnë të pranojnë pasaporta dhe shtetësinë ruse, të largohen nga territori ukrainas i pushtuar nga Rusia", thuhet në raportin e publikuar në X.
Raporti thekson gjithashtu se Kremlini vazhdon të ndjekë një politikë të "russifikimit" në territoret ukrainase të pushtuara ilegalisht, si pjesë e "përpjekjeve afatgjata për të zhdukur kulturën, identitetin dhe shtetësinë ukrainase".
Komente
Lajme të tjera
-
Senatori Bernie Sanders: Nuk duhet ta lejojmë Trumpin të krijojë një qeverisje oligarkike, Musk dhe miliarderë të tjerë s'mund të na drejtojnë
24 Mars, 15:31 -
Trump kritikon portretin e tij në Kongresin e Kolorados: Askujt nuk i pëlqen një fotografi e keqe, hiqeni
24 Mars, 14:30 -
Nëse hyni në SHBA me vizë false, dëboheni përgjjithmonë! Mesazhi i administratës Trump: Kriminelët këtu s’kanë vend!
24 Mars, 12:02 -
Intervista me 'Magjistarin e Kremlinit', njeriu që i fliste në vesh Putinit
24 Mars, 11:28 -
Amerikanët dhe rusët 9 orë bisedime në Riad, por s'do ketë nënshkrime! Trump: Së shpejti firmosim me Kievin marrëveshjen për mineralet e rralla! Trupa kineze në Ukrainë? Pekini e mohon
24 Mars, 08:16 -
Mësimi që po merr Donald Trumpi, me një kosto të lartë
24 Mars, 07:33
-
SHBA-Ukrainë 5 orë takim në Riad, Kievi: Bisedë produktive, drejt paqes
23 Mars, 22:22 -
Hodges: Forca evropiane në Ukrainë s’ka nevojë për garanci amerikane
23 Mars, 17:19 -
Ukraina dhe SHBA do të zhvillojnë bisedime në Arabinë Saudite për t’i dhënë fund luftës me Rusinë
23 Mars, 15:31 -
'Hap drejt shfuqizimit të shtetit kushtetues demokratik'/ Trump përballë gjykatave, analiza e DW: A po shkon SHBA drejt autokracisë?
23 Mars, 15:08 -
I Dërguari i Trump: Putin është një lider super inteligjent! Ukraina, një shtet i rremë
23 Mars, 14:54 -
McLaren shkëlqen në Kinë, Piastri fiton Çmimin e Madh! E pëson keq Ferrari, FIA skualifikon dy makinat italiane
23 Mars, 14:28
