POP 5

Lajmet më të lexuara të 5 minutave të fundit

Kronikë

Dekriminalizim,Akuza:T’u hiqet
mandati Rehovicës dhe Rakipit

Nuk deklaruan arrestimet e tyre në Itali si persona të dyshuar për vjedhje, njësia e dekriminalizimit kërkon heqjen e mandatit për deputetët Aqif Rakipi dhe Gledion Rahovica i LSI. Kërkesa është depozituar këtë të martë në KQZ nga Rovena Gashi drejtuesja e njësisë së dekriminalizimit në Prokurorinë e Përgjithshme. Çfarë deklaruan dy deputetët në formularët e dekriminalizimit  VIDEO
Njësia e dekriminalizimit pranë Prokurorisë së Përgjithshme kërkon heqjen e mandatit për deputetin e PDIU në qarkun e Elbasanit Aqif Rakipi dhe për deputetin e LSI Gledion Rehovica.

Kjo kërkesë është depozituar këtë të martë në komisionin qëndror të zgjedhjeve nga drejtuesja e këtij seksioni prokurorja Rovena Gashi. Kjo kërkesë e Gashit vjen pak ditë pasi në krye të akuzës është vendosur kryeprokurorja e re Arta Marku.

Por cila është arsyeja që Gashi ka kërkuar heqjen e mandatit për këta deputetë? Sipas kërkesës së depozituar në KQZ Gashi argumenton se dy deputetët gjatë qëndrimit të tyre vite më parë në Itali kanë përdorur identitetet të tjera nga ato që kanë sot dhe kanë qenë të arrestuar për veprën penale të vjedhjes.

Këto të dhëna sipas prokurorisë nuk janë pasqyruar në formularin e dekriminalizimit dhe për pasojë i penalizon deputetët si shkelës të ligjit të dekriminalizimit.

Zbulimi i të shkuarës së deputetëve në Itali është bërë falë marrjes së gjurmëve të gishtrinjëve të dhëna të cilat më pas i janë përcjell Europol dhe Interpol si dhe partnerëve italian sqarojnë burime nga prokuroria për ReportTv.

Tashmë i përket komisionit qendror të zgjedhjeve të vendos nëse do të pranojë kërkesën e prokurorisë për ti hequr mandatin deputetëve të Elbasanit dhe Beratit.

Aktualisht njësia e dekriminalizimit në prokurorinë e përgjithshme është duke verifikuar dhe një sërë zyrtarësh të tjerë mes tyre kryebashkiak dhe deputet që dyshohen se kanë probleme me të shkuarën e tyre.


Er.K/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03