Komisioni Qendror i Zgjedhjeve ka nisur procesin e verifikimit të vërtetësisë së të dhënave të deklaruara nga zyrtarët në formularin e dekriminalizimit. Ajo do të kontrollojë përmes strukturës së saj të posaçme që ka ngritur nëse ministrat, deputetët, kryebashkiakët dhe këshilltarët kanë thënë apo jo të vërtetën lidhur me dënimet e tyre apo ndryshimin e të dhënave gjenerale si emri, mbiemri, apo ditëlindja. Mësohet se KQZ ka kërkuar informacion tek Zyra Gjyqësore dhe Zyra e Gjendjes Civile për të marrë të dhënë nëse ka ndonjë vendim dënimi për ndonjë prej këtyre zyrtarëve, ose nëse ndonjë prej tyre ka ndryshuar të dhënat gjenerale.