Prokurori i Përgjithshme Olsian çela ka thënë sot se edhe pse ka një rritje të kapaciteteve për sektorin e dekriminalizimit në institucionin që ai drejton, problemi qëndron te fakti se shumica e vendeve të huaja nuk japin informacion. Kjo është edhe arsye se pse sipas tij procesi ngec dhe verifikimet janë të paplota.

“Për sektorin e verifikimit të dekriminalizimit kemi forcuar kapacitetet, janë 2 prokurorë që merren dhe 2 oficerë të policisë gjyqësore, kemi vështirësi tek përgjigjet që marrim jashtë vendit, pjesa me e madhe e vendeve nuk na përgjigjen sepse nuk e njohin si proces. Vetëm dy vende na përgjigjen. Verifikimet që ne kryejmë janë të paplota ndaj ka dhe zvarritje. Pjesë më e madhe e shteteve nuk ofrojnë ndihmë juridike sa i përket çështjeve të dekriminalizimnit. Ne duam të zgjidhim një çështje shqiptare si çështje ndërkombëtare", tha në raportimin para Këshillit të Lartë të Prokurorisë por edhe në një prononcim për mediat pas raportimit, Prokurori i Përgjithshëm i vendit, Olsjan Çela. 

Kujtojmë se dje Komisioni Qendror i Zgjedhjeve ka vendosur që të çojë për verifikim në Prokurorinë e Përgjithshme 30 kandidatë për kryebashkiakë dhe anëtarë për këshilltarë bashkiakë për zgjedhjet e 14 majit. Kryekomisioneri, Ilirjan Celibashi tha se deri më tani vetëm 30 është numri i kandidatëve për të cilët ka dyshime se mund të kenë shkelur formularin e dekriminalizimit dhe për këtë arsye do të verifikohen nga Prokuroria. Kresnik Ajazi për Kuçovën, Qerim Ismailaj për Mallkastrën, Artur Bushi për Krujën, Kristian Shkreli për Vaun e Dejës, Beqir Mulaj për Hasin, janë kandidatët për kryebashkiakë të PS që janë dërguar për verifikim të detajuar. Ndërkohë, përverfikim ëhstë dërguar edhe kandidati i PD për Mallkastrën, Agron Kapllanaj.